Ester 9:22 - Manobo Western Bukidnon OT

²² su iyan heini kes menge andew he zutun nelibri zan puun te gehem te menge kuntada zan. Su iyan kes bulan he zutun neilisan te kelipey is kegkeseeng dan wey neilisan te andew te kedlipeylipey kes andew pezem te kedlalew zan. Ne migkeǥiyan dan en maan ni Mordecai zutun te surat he silibraha zan heini pinaaǥi te pista zuma is kedlipeylipey, wey mebpeteltelewizè dan te gasa, ne veǥayi zan is menge egkengeayuayu.

Ester 9:22 교차 참조

Ester 9:19

Ne iyan heini hinungdan he nehimu he sulunuzen te menge Judio he ziyà ebpen-ubpà te dezeisek he menge inged is kedsilibra te ike-14 he andew te vulan he Adar. Dutun he andew ne ebpeteltelewizè dan te gasa.

Ester 9:21

Kayi he surat, migkeǥiyan ni Mordecai is menge Judio he silibraha zan kada tuig is ike-14 wey is ike-15 he andew te vulan he Adar,

Ester 9:23

Ne midtuman te menge Judio sikan is pahayag ni Mordecai pinaaǥi te surat ne nehimu he sevaha he sulunuzen dan is kada tuig he kedsilibraha zutun.

Salmo 103:2

Ereg he edeliǥen ku is Nengazen, ne kenè ku edlipatan is keupiya zin.

Salmo 149:7

te kebales wey kedsilut te menge etew ziyà te zuma he menge nasyun,

Salmo 30:11

Tenged te tavang nu, mid-ilisan nu te melipayen he kedsayew is keseengan ku. Impeluwas nu kedì is bisti ku he saku he tuus te kedlalew ku, ne mibeǥayan a kenikew te kelipey.

Salmo 30:12

Umbe, kenà a ebpereremek dà, kekenà, egkanta a te menge kedalig kenikew. Nengazen he Megbevayè ku, ebpeselamatan ku sikew te wazà pidtemanan.

Salmo 37:15

Piru iyan sikandan egkeuney egketiyuk te ispada zan, ne egkengevadtì is menge panè dan.

Isaias 14:3

Sikiyu is menge tig-Israel, dutun te timpu te kebpehimelaya keniyu te Nengazen te menge ked-antus, kelised, wey kegkeuripen,

Deuteronomio 15:7

“Emun duen pubri ziyà te inged niw, zutun te tanà he ibeǥey keniyu te Nengazen he Megbevayè niw, kenè kew peleleǥed kandan.

Deuteronomio 16:14

Medlipey kew is edsilibra kayi he pista duma te menge anak niw, menge suluǥuen niw, menge Levihanen, menge kenà Israilihanen, menge ilu wey menge valu he vahi he menge meǥinged diyà te inged niw.

Deuteronomio 16:15

Seled te pitu he andew is kedsilibraha niw kayi he pista te kebeǥey te zengeg te Nengazen he Megbevayè niw ziyà te lugar he ebpilien din. Su ebeǥayan kew te Nengazen he Megbevayè niw te zekelà he uzar wey edtuvazan din is langun he menge vaal niw, ne utew kew egkengelipey.

1 Samuel 25:8

Insai nu sikandan ne edtudtulan ke zan. Guntaan, edhangyù a he purungi nu heeyan is menge sakup ku, pista man guntaan. Isipa a kenikew he anak wey menge suluǥuen ku he suluǥuen nu; beǥayi key te egkesuatan nu he ibeǥey nu kenami.”