Ester 8:4 - Manobo Western Bukidnon OT

⁴ Ne imbayew zutun te hadì diyà te ki Ester sikan is tuked din he vulawan, ne midhitindeg si Ester ziyà te etuvangan din.

Ester 8:4 교차 참조

Ester 4:11

“Netuenan duen te langun he menge upisyal te hadì wey te langun he menge etew ziyà te minsan hendei he neseled te ginhedian din, maama etawa vahi he ebpekid-etuvang te hadì minsan pa te wazà sikandin pesuǥui, ne sevaha zà is belaud te hadì mehitenged dutun he iyan is: Kinahanglan he edhimetayan haazà he etew. Ne wey zà sikandin kenà edhimetayi ke ibayew zuen te hadì diyà te kandin sikan is tuked din he vulawan. Ne siak, seled en te senge vulan ne wazè e pa ipetawag duen te hadì.”

Ester 5:2

Ne hein naahà duen te hadì si Rayna Ester, ne utew sikandin neǥalew ne imbayew zin diyà te ki Ester sikan is tuked din he vulawan. Ne mid-uvey si Ester ne migewezan din is purù dutun te tuked.

Ester 8:3

Ne mid-uman en maan si Ester medhangyù dutun te hadì te meheǥet he kedhangyù su midlangkeb en sikandin diyà te uvey te paa zutun te hadì is edsineǥew. Midhangyù sikandin he kenè en edleusen is mezaat he pelanu ni Haman he kevuwazan ni Agag, he idezaat din te menge Judio.