Ester 5:13 - Manobo Western Bukidnon OT

¹³ Piru heini is langun ne kenà ebpekelipey kediey emun egkeehè ku pa he ebpimpinuu ziyà te pultahan te turuǥan sikan is Judio he si Mordecai.”

Ester 5:13 교차 참조

Ezra 2:2

Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:

Ester 5:9

Ne zutun he andew melipayen si Haman he migawas dutun te turuǥan. Piru hein neehè din si Mordecai ziyà te pultahan te hadì he wazà mebpaahà te kedtahud kandin, ne utew sikandin nepauk.

Job 15:20

“Is lalung he etew duen din elentusen seled te tivuuk he untung din.

Job 18:4

Ebpesekitan nu zà is keugelingen nu pinaaǥi te pauk nu. Mid-isip nu ve he tenged dà kenikew ebey-anan te Megbevayà is kelibutan etawa idhalin din is menge vatu puun te nesevukan dan?

Salmo 37:12

Is lalung he menge etew ebpelanu te mezaat diyà te menge metazeng, wey utew zan egkeepesi is menge metazeng.

Megwewali 1:14

Neehè ku is langun he ebpen-ul-ulahan kayi te kelibutan, ne wazè din menge pulus; iring dà te edal-as a te keramag.

Megwewali 1:2

Wazà pulus te minsan hengkey. Wazà iyan menge pulus te langun!