Ester 2:14 - Manobo Western Bukidnon OT

¹⁴ Is kada sevaha kandan kinahanglan he mezukilem is kedhendiyè din te hadì ne kegkemeselem dutun ibpeulì sikandin, diyà te turuǥan he mibpeubpaan te menge esawa te hadì. Ne zutun sikandin ed-elimahi te sevaha he kapun he sineriǥan he si Shaashgaz. Si Shaashgaz, insarig kandin dutun te hadì is ked-elima te menge esawa zin. Ne haazà is bahi, kenè en ibpelikù dutun te hadì gawas ke nesuatan sikandin dutun te hadì su ibpetawag din man sikandin.

Ester 2:14 교차 참조

Genesis 34:19

Umbe tenged te utew nesuati ni Shekem si Dina, wazè en sikandin medlanganlangan ne midtuman din is migkaǥi kandin te menge anak ni Jacob. Si Shekem utew midtahud kandin is pemilya te amey zin.

Ester 2:13

Ne zutun te kenè pa edhendiyà te hadì is kada sevaha kandan, ebeǥayan sikandan te minsan hengkey he visti wey elahas he egkesuatan dan te edsul-ub dutun te kedhendiyè dan te hadì.

Ester 2:15

Hein ikesepulù he vulan, he iyan kes Tebet, dutun te ikepitu he tuig te kedhadì ni Ahasuerus, ne neuma is penahun te kedhendiyà ni Ester te hedì diyà te turuǥan. Midtuman ni Ester is sambag kandin ni Hegai, kes sineriǥan duen te hadì he ed-elima zuen te menge vahi zutun te turuǥan. Is migkaǥi kandin ni Hegai he ibpevivisti kandin te ebpehendiyà te hadì ne iyan din imbivisti, ne utew sikandin nezeliǥi te langun he nekaahà kandin.

Ester 4:11

“Netuenan duen te langun he menge upisyal te hadì wey te langun he menge etew ziyà te minsan hendei he neseled te ginhedian din, maama etawa vahi he ebpekid-etuvang te hadì minsan pa te wazà sikandin pesuǥui, ne sevaha zà is belaud te hadì mehitenged dutun he iyan is: Kinahanglan he edhimetayan haazà he etew. Ne wey zà sikandin kenà edhimetayi ke ibayew zuen te hadì diyà te kandin sikan is tuked din he vulawan. Ne siak, seled en te senge vulan ne wazè e pa ipetawag duen te hadì.”

Isaias 43:1

Piru ǥuntaan iyan heini egkeǥiyen te Nengazen, he midlimbag kenikew, He Israel: “Kenè ka mahandek su edlibriyen ku sikew, ngazan nu is in-umew ku kenikew, ne ǥaked ku sikew.

Isaias 45:4

Midtawag ku sikew su wey nu metevangi is Israel he suluǥuen ku, he iyan kes menge etew he pinilì ku. Mibeǥayan ku sikew te zengeg minsan wazè ka mekekilala kedì.

Deuteronomio 21:14

Piru emun egkepezaan sikandin dutun te vahi ke egkeuǥet, kinahanglan he ibpeǥenat din haazà is bahi diyà te minsan hendei he egkesuatan din te ebayà. Kenè din sikandin ivelegyà etawa kenè din uripena su mibpeel-elezan din en sikandin.