Ester 1:21 - Manobo Western Bukidnon OT

²¹ Ne haazà is hadì, wey sikan is lavew he menge upisyal zin, ingkesuat dan haazà is sambag, umbe mid-ulaula zutun te hadì haazà is insambag kandin ni Memucan.

Ester 1:21 교차 참조

Genesis 41:37

Ne haazà is hadì wey is menge upisyal zin, ingkesuat dan utew heini is sambag ni Jose.

Ester 1:19

“Umbe ke meupiya zà te ǥehinawa nu, Mahal he Hadì, beeli nu is suǥù he iyan is: Kenè en maan ebpekeetuvang kenikew si Rayna Bashti te minsan keenu, ne is kegkerayna zin, ibeǥey nu en te zuma he edhuna pa kandin he meupiya. Ne iragkes nu heini he suǥù duen te menge kesuǥuan kayi te ǥinhedian tew he Persia wey Media su para kenà heini mahalin.

Ester 1:20

Ne heini he suǥù, emun egketuenan te langun he nesakup kayi te meluag he ginhedian nu, ne is langun he menge vahi, egketahud dan is menge esawa zan, deisey etawa zekelà is pid-etawan din.”

Ester 1:22

Mibpesuratan din is langun he menge etew ziyà te minsan hendei he prubinsya he neseled te ginhedian din, ne iyan migamit is keugelingen dan he menge kineǥiyan. Ne is taǥù dutun te surat iyan is: kada maama iyan mebpengulu wey mebayàbayà te pemilya zin.

Ester 2:4

Ne is egkesuatan nu he raǥa, ne iyan nu iliwan ki Bashti he rayna.” Nesuatan te hadì haazà is migkaǥi ziyà te kandin, umbe mibpezumdumahan din heini.