Erubasa 4:7 - Manobo Western Bukidnon OT

⁷ Is ketau etawa is kedsavut iyan utew impurtanti he kinahanglan te etew, umbe penigudu ka wey nu maangken heini minsan maamin pa is langun he azen nu.

Erubasa 4:7 교차 참조

2 Cronica 1:10

Beǥayi a te ketau wey keuluwanen wey ku mezumala heini he keet-etawan. Su hentei zà buwa etawa is ebpekehimu he edumala kayi te utew mezakel he keet-etawan nu?”

Salmo 119:104

Nekaangken a te kedsavut he ebpuun diyà te menge sulunuzen he ibpesunud nu, umbe egkeepesan ku is langun he mezaat he vaal.

Erubasa 16:16

Meupiya pa he egkaangken is ketau wey kedsavut kenà is bulawan wey pelata.

Erubasa 2:4

iring te kebpeniguduwi nu kebpen-ahaa te selapì etawa nekeeles he ketiǥeyunan.

Erubasa 21:6

Is ketiǥeyunan he egkekuwa pinaaǥi te limbung, meǥaan dà egkehanew wey ebpekepevavà daan te umur.

Erubasa 23:23

Peniguduwi nu he maangken nu is ketutuanan, ketau, kegkemansu, wey kedsavut. Ne kenè nu heini iliwà te minsan hengkey he menge azen.

Erubasa 4:5

Peniguduwi nu he maangken nu is ketau wey kedsavut. Kenè nu lipati is menge lalag ku kenikew, ne kenè nu heini suwayi.

Erubasa 8:23

Impelastar e zin en puun pa te puunà. Daan e en dutun te wazè pa is kelibutan: is daǥat, is menge serebseb, is menge vuntud, is menge vuvungan, is menge vevesukà, wey minsan pa is menge eliyavuk.

Megwewali 4:8

Duen sevaha he etew he sebsevaha zin; wazè din anak wey suled. Piru edsigudu en sikandin edhaǥù su kenà sikandin kuntintu te netiǥeyunan din. Kesikandin diyà te gehinawa zin te, “Kenà ad ebpekelipeylipey tenged te subra he kebpenigudu ku kedhaǥù.” Piru wazà ku egketeǥakan te hineǥuan ku. Wazà kayi pulus! Mekeseseeng heini he kelasi te ked-ubpà!

Megwewali 7:12

wey eputè ta heini iring te selapì. Umbe utew ebpeketavang is keuluwanen; ebpeketavang heini wey ki luǥeyazi te untung.