Erubasa 3:9 - Manobo Western Bukidnon OT

⁹ Beǥayi nu te zengeg is Nengazen pinaaǥi te kedhelaza nu te ketiǥeyunan nu wey te egkehuna he veǥas te langun he menge pinemula nu.

Erubasa 3:9 교차 참조

Genesis 28:22

Ne heini is batu he impelastar ku kayi he tedeman ku, ebpekepenistiǥus he kayi ka ed-ubpà he lugar. Ne ibeǥey ku kenikew is ikesepulù te langun he ibeǥey nu kediey.”

2 Cronica 31:10

Midtavak si Azaria, is lavew he memumuhat he kevuwazan ni Zadok, te, “Puun te kedsuǥud ked-uwit te menge etew te menge halad kayi te valey te Nengazen ne kenè en kurang is keenen dey, kekenà, dekelà pa is subra, su midtuvazan te Nengazen is menge etew zin.”

2 Cronica 31:21

Mibmezeeǥen sikandin, su is langun he mibeelan din ne para te valey te Megbevayà wey para te kedtuman te kesuǥuan, wey midangep sikandin diyà te Megbevayè din te kedangep he ebpuun diyà te tivuuk he gehinawa zin.

Salmo 144:13

Berakat he mepenù is menge budiga zey te langun he kelasi te neraǥun. Berakat he med-anak te mahabet is menge kerehidu zey ziyà te vevesukà.

Exodus 22:29

“Kenè niw lipati is kebeǥey te halad kayi te kedì he ebpuun te neraǥun niw, menge vinu, wey menge lana. “Ipehinungud niw kedì is penganey he anak niw he menge maama.

Exodus 23:16

Silibraha niw zaan is Pista te Kedraǥun pinaaǥi te kedhelaza niw kayi te kediey te egkehuna he menge sebpet niw ziyà te menge bevesukè niw. Ne elin daan silibriha niw is Pista te Tevas emun egkezerengdeng niw en is menge sebpet niw zutun te kegketapus te tuig.

Exodus 23:19

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.

Exodus 34:26

“Uwita niw ziyà te valey te Nengazen he Megbevayè niw is kinemeupiyahan duen te egkehuna he egkeraǥun niw ziyà te tanè niw. “Kenè niw hilutua is nati he kambing te ǥatas te iney zin.”

Erubasa 11:25

Is kelelaǥan he etew, ed-uswag sikandin, ne is edtavang te zuma zin, edtevangan daan sikandin te zuma zin.

Erubasa 14:31

Is kedèdaaǥa te menge pubri, paaǥi te kedsupaka te Megbevayà, iyan, is kedtevangi te etew he kinahanglan he edtevangan, paaǥi te kebentuǥa te Megbevayà.

Isaias 43:23

Wazà a kenikew pemuhata te menge kerehidu he pemuhat he edtutungen. Wazà a kenikew beǥayi te zengeg pinaaǥi te menge pemuhat su wazè ku man sikew lisliseza wey ka bungasa pinaaǥi te kebuyù diyà te kenikew te menge pemuhat he para gasa wey menge veyewà.

Leviticus 19:25

Piru te ikelima he tuig ne ebpekekaan kew en te menge veǥas kayi. Ne emun edtumanen niw heini he sulunuzen, utew meveǥas is menge kayu niw. Iyan a kes Nengazen he Megbevayè niw.

Numero 15:20

Pemuhat kew te supas he iyan ebeelan niw is herina he egkehuna he ǥinaling niw, iring te ebeelan niw ziyà te egkehuna he sebpet te trigu niw he ebpuun te gunasà.

Deuteronomio 14:29

Ne iveǥey niw heini ziyà te menge Levihanen (he wazà tanà he nepengevilin), diyà te kenà menge Israilihanen, diyà te menge ilu wey menge valu he vahi he ebpemen-ubpà diyà te menge inged niw su para mekekaan daan sikandan su wey zan mengahantey. Emun ed-ul-ulahan niw heini, edtuvazan kew te Nengazen he Megbevayè niw ziyà te langun he ebeelan niw.