Erubasa 3:1 - Manobo Western Bukidnon OT

¹ Mama, kenè nu lipati is menge penurù ku kenikew; tipiǥi nu ziyà te gehinawa nu is menge suǥù ku,

Erubasa 3:1 교차 참조

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Salmo 119:153

Ahaa nu is ked-antus ku ne libriya a, su wazè ku lipati is kesuǥuan nu.

Salmo 119:16

Ingkelipey ku is menge sulunuzen he ibpesunud nu, ne kenè ku edlipatan is menge lalag nu.

Salmo 119:176

Netazin a iring te kerehidu he netazin, umbe pen-ahaa a is suluǥuen nu, su wazè ku lipati is menge suǥù nu.

Salmo 119:34

Ipesavut nu kedì is kesuǥuan nu, ne edtumanen ku heini wey edtipiǥan ku kayi te tivuuk he ǥehinawa ku.

Salmo 119:61

Minsan pa te mibakus a te menge lalung, wazè ku lipati is kesuǥuan nu.

Salmo 119:93

Kenè ku edlipatan is menge sulunuzen he ibpesunud nu, su pinaaǥi kayi is ked-uy-uyaǥa nu kediey.

Salmo 91:16

Ebeǥayan ku sikandin te meluǥayad he untung, ne ibpeehè ku kandin is kedlibriya ku kandin.”

Exodus 20:6

Piru ibpeehè ku is keupiya ku ziyà te mahabet he lapis te kevuwazan he ebmahal kedì wey edtuman te menge suǥù ku.

Erubasa 1:8

Mama, pemineǥa nu is sambag ku ne kenè nu iniyuǥi is penurù te ǥinikanan nu.

Erubasa 16:31

Utew meupiya emun egkembuwayan ki taman te ked-indelawi te vulvul ta, ne ziyè heeyan egkeulaula te etew he metazeng.

Erubasa 2:1

Mama, tentenuzi nu is menge penurù he idsuǥù ku kenikew ne kenè nu lipati.

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Erubasa 31:5

Su emun egkelangut sikandan, ne kela ke melipati zan is menge kesuǥuan, ne ed-ewaan dan te ketenged is menge pubri.

Erubasa 4:2

Meupiya is penurù ku keniyu umbe kenè niw iselikwey.

Erubasa 4:21

Tentenuzi nu heini, ne tipiǥi nu heini ziyà te ǥehinawa nu.

Erubasa 4:5

Peniguduwi nu he maangken nu is ketau wey kedsavut. Kenè nu lipati is menge lalag ku kenikew, ne kenè nu heini suwayi.

Erubasa 8:1

Is ketau wey is meupiya he kedsavut iring te etew he edwali.

Erubasa 9:1

Is ketau, iring te sevaha he etew he mibevaley te zekelà wey mekempet he valey.

Isaias 51:17

Enew ke en Jerusalem! Is pauk te Nengazen iring te inumen he mid-amin nu inuma taman te nekeziregdireg ka te kegkelangut nu.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Deuteronomio 4:23

Piru mebpekevantey kew he kenè niw melipati sikan is paaǥi te Nengazen he Megbevayè niw te kebpekid-uyun keniyu. Kenè kew mebaal te ledawan he ed-ezapen niw pinaaǥi te zagwey te minsan hengkey, su idawey heini te Nengazen he Megbevayè niw.

Deuteronomio 4:9

Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Deuteronomio 5:16

“ ‘Tehuza niw is amey niw wey iney niw, sumalà te insuǥù ku keniyu, su para luǥeyazi kew te untung wey para mebmeupiya is kebpekesavuk niw zuen te tanà he ibeǥey ku keniyu.

Deuteronomio 5:33

Pengungubpaan kew he sungkad te insuǥù te Nengazen he Megbevayè niw keniyu, su para edluǥeyazan kew te untung wey mebmeuswaǥen kew zuen te tanà he ed-engkenen niw.

Deuteronomio 8:1

“Purungi niw sunuza is langun he menge suǥù he ibeǥey ku keniyu ǥuntaan, su para mebpedayun is kegkeuyag-uyag niw wey ebmahabet kew, wey egkaangken niw sikan is tanà he impenangdù te Nengazen he ibeǥey zin diyà te menge kepuun niw.