1 Mama, tentenuzi nu is menge penurù he idsuǥù ku kenikew ne kenè nu lipati.
Layun ku edtumana is suǥù din, wey edtipiǥan ku heini kayi te ǥehinawa ku.
Ipeisip-isip nu kenami he mevavè dà is untung dey, su para mebmetau key kayi te kebpengungubpaan dey.
Ebpekemansu heini kenikew para mehimu ka he uluwanen, he ebpengungubpaan te hustu, metazeng, wey mezait he menge ulaula.
Is anak he edtuman te Kesuǥuan ne uluwanen, piru is anak he ebpekid-elukuy te wazè din pulus he etew, ne egkepeel-elezan din is amey zin.
Mama, kenè nu lipati is menge penurù ku kenikew; tipiǥi nu ziyà te gehinawa nu is menge suǥù ku,
Menge anak, purungi niw pemineǥa is menge penurù te amey niw, su wey zuen niw metueni.
Mama, pemineǥa nu wey tumana nu is menge egkeǥiyen ku su wey ka luǥeyazi te untung.
Ipemula nu heini ziyà te ǥehinawa nu su wey kenè nu heini melipati.
Mama, layun nu tumana is menge lalag ku ne kenè nu lipati is menge suǥù ku.
Is ketau wey is meupiya he kedsavut iring te etew he edwali.
Is ketau, iring te sevaha he etew he mibevaley te zekelà wey mekempet he valey.
Etawa kenè kew zaan ebpekeinsà te, ‘Hentei is edlayun te zaǥat te kegkuwa keniyan su para ikeseysey ziyà te kenitew su wey tew mesunud?’
