Erubasa 14:3 - Manobo Western Bukidnon OT

³ Is menge ebpengeǥiyen te tulebung he etew, iyan ebpekezezaat kandin, piru is ebpengeǥiyen te uluwanen, iyan egkehimu he pengalang din.

Erubasa 14:3 교차 참조

Erubasa 12:6

Is menge lalag te lalung he etew, igkepetug-iring te etew he ed-ayan su wey mekevunù su pinaaǥi zutun egketuvù is samuk, ne is menge lalag te etew he metazeng, igkepetug-iring mulà te etew he edlaǥuy te mid-eyanan su pinaaǥi zutun egkehusey is egketuvù he samuk.

Daniel 7:20

Ne mid-insaan ku zaan sikandin ke hengkey is kehuluǥan duen te sepulù he sungey zuen te ikeepat he langgam wey sikan is sevaha he sungey he midlepew he nekerupù duen te tetelu he sungey. Heini he sungey, zuen din menge mata wey vèbà ne ebpegalbu. Ne emun ed-ahaan ta, ne edhuna haazà he mekeǥeǥehem duen te zuma he menge sungey.

Erubasa 28:25

Is etew he leǥezen ebpeketuvù te kesevaan, iyan, is etew he edsarig te Nengazen ed-uswag mulà sikandin.

Erubasa 22:8

Is ebpemula te kelelalung ebpekeraǥun te kezeetan, ne kenè en ebpekependezaat te zuma.

Erubasa 21:24

Is hembugiru wey mepelevawen he etew, ne egkekilala ta sikandin su masudì sikandin, wey utew mepedeligen.

Erubasa 18:6

Is menge lalag te tulebung he etew, iyan puunà te tebek wey iyan igkesekiti zin.

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Salmo 12:3

Deyzey pezem Nengazen ke ibpetiem nu sikandan is ebpemenlimbung pinaaǥi te meungangen he menge lalag wey sikan is menge gelbuwen.

Job 5:21

Iyan sikandin metau para kenà mekezezaat kenikew is kebpekezeeta kenikew te zuma he etew, ne wazà igkahandek nu emun egkehitavù is bangkit.

1 Samuel 2:3

Wazà minsan hentei he ebpekepelavew wey ebpekepahambug su is Nengazen Megbevayà, ne wazà ebpekeeles kandin he minsan hengkey, wey ed-is-isipen din is ebeelan te menge etew.

Salmo 31:18

Ipetiem nu heeyan is menge teruen he ebpegalbu wey edsudì te menge metazeng.

Erubasa 14:4

Emun wazà ayam he igkeeradu ne wazè daan taǥù te budiga su pinaaǥi te zesen te ayam ebmeluag is terebahu ta ne zekelà is egkeraǥun ta.

Erubasa 13:3

Is etew he ebenteyanan din is kebpengaǥikaǥi zin, ne iring te iyan din ebentayan is keugelingen din, piru sikan is kenè din ebenteyanan is kebpengaǥikaǥi zin, edezeetan din is keugelingen din.

Erubasa 18:7

Is kegkaǥikaǥi te tulebung he etew ne iyan ebpekezezaat kandin.