3 Ebpekemansu heini kenikew para mehimu ka he uluwanen, he ebpengungubpaan te hustu, metazeng, wey mezait he menge ulaula.
Ne hein nezineg haazà is disisyun ni Hadì Solomon te menge etew te Israel, neteǥuan sikandan te zekelà he kedtahud kandin, su nemesahan dan he zuen din ketau te kedhukum te hustu he imbeǥey kandin te Megbevayà.
Dewata nu is menge penurù din wey tepiza nu ziyà te ǥehinawa nu is menge lalag din.
Pemineǥa nu is idsambag kenikew ne zewata nu is ibpenurù kenikew ne emun egkeuǥet egkehimu ka he uluwanen.
Pinaaǥi kayi egketuenan nu ke hengkey is hustu, ne ebpekeveǥey ka te egkeseriǥan he menge tavak diyà te menge etew he ed-insà kenikew.
Midtinguhè din he meǥamit din is hustu he menge lalag, ne hustu wey tutuu is insurat din kayi.
