Deuteronomio 8:3 - Manobo Western Bukidnon OT

³ Midhimu zin he kenè kew mekepelavew pinaaǥi te kebpesaǥad keniyu te kegkevitil, ne zutun mibeǥayan kew zin te ‘manna’–kelasi te keenen he sikiyu wey is menge kepuun niw wazè pa mekeǥezam kayi puun pa te nehuna he timpu. Midhimu heini te Nengazen su impenurù din keniyu he kenà iyan dà igkeuyag te etew is keenen, kekenà, elin is kada lalag he egkeǥiyen te Nengazen.

Deuteronomio 8:3 교차 참조

Salmo 105:40

Mibuyù dan te keenen, ne mibpeuwitan din sikandan te menge piyuǥù, ne midhantey zin sikandan te keenen he ebpuun te langit.

Salmo 37:3

Sarig ka te Nengazen, ne ul-ulaha nu is meupiya. Pengungubpaan ka kayi te tanà he wazè nu igkahandek he ebpekekaid.

Deuteronomio 29:5

Seled te 40 he tuig te kebpenguluwi ku keniyu ziyà te sibsivayan, wazà mezaan is menge visti niw wey menge sandalyas niw.

Deuteronomio 29:6

Wazè niw egkekaan dutun, wazè niw vinu etawa zuma he inumen, piru imbeǥey haazà te Nengazen diyà te keniyu su para metueni niw he iyan sikandin Nengazen he Megbevayè niw.

Deuteronomio 32:47

Heini he menge suǥù ne kenà bastavasta zà he menge lalag, su ebpekeveǥey heini keniyu te untung. Emun edtumanen niw heini egkembuwayan kew ziyà te tanà he ed-engkenen niw ziyà layun te Jordan.”

Deuteronomio 9:9

Hein midtekezeg a zuen te vuntud te kegkuwa zuen te midlumpipì he menge vatu he midsuratan te kebpekid-uyun keniyu, 40 he andew wey 40 he kezukileman is wazà a mekekaan wey wazà a mekeinum.