Daniel 7:8 - Manobo Western Bukidnon OT

⁸ Ne zutun te kedtengtengi ku zuen te menge sungey, neehè ku he zuen neketik-ew meketuvù he zeisek he sungey ne nerupù din sikan is tetelu he menge sungey. Heini he sungey, duen din mata he henduen be te mata te etew wey zuen din bèbà he ebpegalbu.

Daniel 7:8 교차 참조

Salmo 12:3

Deyzey pezem Nengazen ke ibpetiem nu sikandan is ebpemenlimbung pinaaǥi te meungangen he menge lalag wey sikan is menge gelbuwen.

Daniel 11:36

“Ebeelan duen te hadì diyà te zizaya is minsan hengkey he egkesuatan din te ebaal. Ed-isipen din he iyan sikandin lavew te langun he ebpen-ezapen, ne edsumpeliten din is Megbevayà he iyan lavew te langun he ebpen-ezapen. Ebmelempusen sikandin taman dà te timpu te kebpezayaǥa te Megbevayà te pauk din, ne egkeulaula heini su kinahanglan he egkengehitavù is imbanglis te Megbevayà is kegkeul-ulaha zuen.

Daniel 7:19

Ne mid-insaan ku pa sikandin ke hengkey is kehuluǥan duen te ikeepat he langgam he nekeviza zuen te tetelu he langgam. Mekahandekhandek haazà he ed-ahaan, wey putew is menge ngipen din ne brunsi is menge sulu zin. Ne egkeǥaten din wey egkeenen din is egkekeizan din, ne emun duen din pa egkesamà ne edrunteken din.

1 Samuel 2:3

Wazà minsan hentei he ebpekepelavew wey ebpekepahambug su is Nengazen Megbevayà, ne wazà ebpekeeles kandin he minsan hengkey, wey ed-is-isipen din is ebeelan te menge etew.