Daniel 3:7 - Manobo Western Bukidnon OT

⁷ Umbe, kegkezineǥa zan te zaǥing te menge instrumintu ne midluhud dan is ed-azap duen te ledawan.

Daniel 3:7 교차 참조

Jeremias 51:7

Neiring is Babilonia te vulawan he tasa he migewezan ku he nepenù te vinu. Impeinum ku is menge etew ziyà te menge nasyun kayi te tivuuk he kelibutan, umbe nengelangut sikandan wey mibuneg.

Daniel 2:46

Ne segugunà midluhud si Hadì Nebucadnezar te kebeǥey te zengeg ki Daniel. Ne kegkepasad dutun ne mibmandar sikandin te kebpemuhat wey kedtutung te veyewà diyà te etuvangan ni Daniel.

Daniel 3:10

Kenè be mibmandù ka he is minsan hentei he ebpekezineg te zaǥing te menge instrumintu kinahanglan he medluhud te ked-azap duen te ledawan he vulawan,

Daniel 3:4

ingkulahì te menunudtulà is lalag he edhenduen te, “Sikiyu is ebpemuun diyà te nekedseselekawà he menge nasyun, menge kepuun, wey menge kineǥiyan,

Daniel 3:5

emun egkezineg niw is daǥing te vudyung, pulalà, kutiyapì, alpa, wey zuma pa he menge instrumintu, ne zutun luhud kew he ed-azap duen te ledawan he vulawan he impehitindeg ni Hadì Nebucadnezar.

Daniel 3:6

Is minsan hentei he kenà ed-azap, idtimbag diyà te egkiràkirà he rapug.”

Daniel 3:8

Dutun he timpu, duen nepipira he menge tig-Babilonia he mid-uvey zuen te hadì ne insumbung dan is menge Judio.