Daniel 3:23 - Manobo Western Bukidnon OT

²³ Ne haazà is tetelu he menge mibpemakus ne zutun meketanà te egkiràkirà he rapug.

Daniel 3:23 교차 참조

Salmo 34:19

Minsan mahabet is menge mereǥen he egkehitavù diyà te etew he metazeng, iyan, edlibriyen sikandin te Nengazen te langun dutun.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Jeremias 38:6

Umbe, migkuwa zan si Jeremias ne midteyuntun dan diyà te vudsi he punduwà te wahig diyà te ubpeey te menge vantey. Heini he vudsi he punduwà te wahig ne iyan teǥiǥaked si Malkia he anak te hadì. Wazè en kayi wahig piru zuen kayi vasak he ebpekerevur ki Jeremias.

Daniel 1:7

Ne mid-ilisan ni Ashpenaz is menge ngazan dan. Si Daniel ne iyan si Belteshazar, si Hanania iyan si Shadrac, si Mishael iyan si Meshac, ne si Azaria iyan si Abednego.

Daniel 3:24

Ne zutun te kedtengteng ni Hadì Nebucadnezar, nekeserivantu sikandin te utew zin kegkeinuinu. Nekeinsà sikandin duen te menge upisyal zin te, “Kenè be tetelu zà he etew is mibakus tew he intimbag keniyan te hapuy?” Midtavak dan te, “Uya, Mahal he Hadì.”