36 “Ne iyan heeyan sikan is teǥeinep nu, ne iyan heini kehuluǥan din:
Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.
Ne midtavak si Jose te, “Iyan heini kehuluǥan te teǥeinep nu: Sikan is tetelu he revan, ne tetelu zaan he andew.
“Is teǥeinep nu ne iyan heini: Duen dekelà he ledawan he neehè nu he nekehitindeg diyà te etuvangan nu. Utew heini ed-ilak-ilak wey mekahandekhandek heini he ed-ahaan.
