Daniel 2:34 - Manobo Western Bukidnon OT

³⁴ Ne zutun te kedtengtengi nu zuen te ledawan, duen sevaha he vatu he midtipak, piru kenà etew is midtipak duen. Ne nekezakdak heini he vatu zuen te putew wey brik he menge paa zuen te ledawan, ne nevekvek haazà is menge paa zin.

Daniel 2:34 교차 참조

Salmo 118:22

Is batu he mid-engkezan te menge pandey iyan pa hinuun nehimu he pundasyun he vatu.

Isaias 28:16

Umbe, iyan heini egkeǥiyen te Nengazen he MEGBEVAYÀ: “Pemineg kew! Idsavuk ku ziyà te Zion is batu he pundasyun; batu he egkeseriǥan, melig-en wey mevali. Is midtuu kandin ne kenà meǥègaanen te menge ebeelan dan.

Isaias 60:12

Su egkepurung egkezeeti is menge nasyun etawa menge ginhedian he kenà ebpenilbi kenikew.

Isaias 8:9

Sikiyu is menge etew ziyà te menge nasyun, minsan mebpetemtempuwè kew pa, ebpekedsusuwey kew ǥihapun. Pemineg kew is diyà te menge meziyù! Minsan mebpengandam kew pa para te kebpekidtebek, egkezaag kew ǥihapun.

Ezekiel 32:28

“Ne sikew is hadì te Ehipto, egkezeetan ka zaan wey ebpeketetayhad duma te menge wazà medtuu te Megbevayà he nemematey te tebek.

Ezekiel 47:5

Ne midlaus pa mesukud te selakew en he 1,700 he ǥiek, ne kenè ku en egketegkad is wahig he renged din su utew en mezalem. Kinahanglan en heini he ed-emperasen.

Daniel 2:33

Ne putew is menge lisen din, ne is menge paa zin putew wey brik.

Daniel 7:27

Ne zutun ibeǥey ziyà te menge etew he ǥaked te Utew Lavew he Megbevayà is kedumala wey keǥehem diyà te menge ginhedian kayi te tivuuk he kelibutan. Ne edhadì sikandan te wazà pidtemanan, is langun he menge ginhedian ebpenilbi wey ebpezumazuma kandin.

Daniel 8:25

Tenged te ebilidad din egkehimu sikandin he melempusen te kebpenlimbung din. Ebpegalbu sikandin, ne mahabet he menge etew is ebpenhimetayan din he kenè din en ebpetizeenan. Edsukulan din minsan is Pengulu te menge pengulu. Piru ziyà te huziyan he timpu edezeetan sikandin, kenà pinaaǥi te ǥehem te etew, kekenà, pinaaǥi te gehem te Megbevayà.

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.