Amos 9:8 - Manobo Western Bukidnon OT

⁸ Siak, is Nengazen he MEGBEVAYÀ, edtengteng a keniyu te mezaat he ginhedian. Ne edezeetan ku sikiyu taman te egkahanew kew kayi te kelibutan. Piru zuen egkesamà keniyu te menge kevuwazan ni Jacob. Iyan a, is Nengazen, is migkaǥi kayi.

Amos 9:8 교차 참조

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

Genesis 7:4

Su egkepasad is pitu he andew puun guntaan, ibpeuzanan ku is tivuuk he kelibutan, taman te 40 he andew wey 40 he kezukileman, su wey melimas is minsan hengkey he egeǥehinawa he linimbag ku.”

1 Hadì 13:34

Heini is mibeelan ni Jeroboam nehimu he hinungdan te kebpekesalà te pemilya zin wey nekeuwit te kezeetan wey kemetayen diyà te kandan.

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.

Erubasa 5:21

Su egkaahà te Nengazen is langun he menge vaal nu. Ne minsan hendei ka ebpevayà ne egkeehè ke zin.

Jeremias 30:11

Su zuma a keniyu ne edlibriyen ku sikiyu. Ebpurungan ku edezeeti is menge nasyun he zutun kew ipeyapat. Piru kenè ku mulà heini ed-ul-uluhan diyà te keniyu. Piru kenà heini ebpesavut he kenè ku sikiyu edsilutan. Ebmensuwen ku sikiyu te hustu he paaǥi.”

Jeremias 44:27

Su kenè ku sikiyu ebeǥayan te keupiyaanan pinaaǥi te ked-ipata ku keniyu, kekenà, edsilutan ku sikiyu. Ebpematey kew kayi te Ehipto pinaaǥi te tebek etawa vitil taman te wazè en egkesamà keniyu.

Jeremias 46:28

Umbe, kenè kew en egkahandek, is menge kevuwazan te suluǥuen ku he si Jacob, su zuma a keniyu. Ebpurungan ku edezeeti is langun he menge nasyun he zutun ku sikiyu ipeyapat, piru kenè ku mulà sikiyu ebpurungan edezeeti. Ebmensuwen ku sikiyu, sumalà is ereg keniyu. Kenà egkehimu he kenè ku sikiyu edsilutan. Iyan a, is Nengazen, is migkaǥi kayi.”

Jeremias 5:10

“Sikiyu is menge kuntada te menge Israilihanen, dèdeeti niw is menge pemuleey te paras dan, piru kenè niw emina. Penempeza niw is menge subpang kayi, su kenè ku en gaked heini he menge etew.

Hoseas 1:4

migkeǥiyan te Nengazen si Hoseas te, “Ngezani nu heeyan is batà te Jezreel, su kenè en egkeuǥet ne edsilutan ku is hadì te Israel tenged te kebpenhimatey te kepuun din he si Jehu ziyà te inged he Jezreel. Id-awè ku is ginhedian te Israel.

Hoseas 1:6

Mid-uman mebmeǥingey si Gomer ne mid-anak te vahi. Ne migkaǥi is Nengazen diyà te ki Hoseas te, “Ngezani nu heeyan is batà te Lo Ruhama, he ke và dà egkegiya, ‘Wazà Mehizuwi,’ su kenè ku en egkehizuwan wey ebpeseyluwen is menge etew te Israel.

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Amos 3:12

Heini pa is migkaǥi te Nengazen: “Is egkekuwa te vantey te kerehidu zuen te uyaǥen he edeesan te erimaung egkehimu he iyan dà is dezuwa he vuvun etawa sevaha te telinga. Ne iring keniyan is egkehitavù keniyu te menge Israilihanen he menge meǥinged diyà te Samaria; is egkesamà keniyu, iyan dà is menge vahin te mekempet he menge hizeǥaan niw.”

Amos 9:10

ebpatey te tebek sikandan is langun. Iyan heini sikandan kes egkaǥi he wazè kun mezaat he egkehitavù kandan.”

Amos 9:4

Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”

Deuteronomio 4:31

Su hihizuwen is Nengazen he Megbevayè niw. Kenè kew zin ebey-anan wey kenè kew zin edèdeetan. Kenè din edlipatan is kebpekid-uyun din he impenangdù din diyà te menge kepuun niw.

Deuteronomio 6:15

su is Nengazen he Megbevayè niw he miduma keniyu, kenà egkesuat he ed-azap kew te zuma. Emun ed-azap kew te menge ed-ezapen te zuma he menge etew ibpeǥezaman keniyu te Nengazen is pauk din ne edezeetan kew zin kayi te tanà.