Amos 9:7 - Manobo Western Bukidnon OT

⁷ Migkaǥi is Nengazen te, “Is ked-ahaa ku keniyu te menge tig-Israel ne iring dà te menge tig-Etiopia. Tutuu iyan he impeǥawas ku sikiyu ziyà te Ehipto, piru impeǥawas ku zaan is menge Filistihanen diyà te Caftor ne is menge Aramihanen impeǥawas ku ziyà te Kir.

Amos 9:7 교차 참조

2 Hadì 16:9

Mibpezumazuma haazà is hadì te Asiria te hangyù ni Ahaz, umbe midsurung din is Damascus ne mid-aǥew zin heini. Miduma zin is menge meǥinged dutun diyà te Kir su mibihag din, ne midhimetayan din si Rezin.

2 Cronica 14:12

Umbe, midaag te Nengazen is menge tig-Etiopia dutun te etuvangan ni Asa wey te menge tig-Juda. Mibpemelaǥuy is menge tig-Etiopia.

2 Cronica 14:9

Midhipanew si Zera he tig-Etiopia duma is mezakel utew he menge sundaru wey 300 he menge kerwahi su edsurung dan diyà te Juda. Nekeuma zan diyà te Maresha,

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Isaias 20:4

Su ebihaǥen te hadì te Asiria is menge tig-Ehipto wey menge tig-Etiopia, batà etawa meǥurang. Ne ibpehipanew zin sikandan he wazà menge visti wey menge sendalyas. Egkaahà sikandan he menge lelevas, ne egkepeel-elezan is menge Ehiptohanen.

Isaias 22:6

Nenurung is menge sundaru he tig-Elam he ebpemen-untud te menge kudà he zuen dan menge panà. Is menge sundaru ziyà te Kir nenurung daan he zuen dan egewazan he menge kelasag.

Isaias 43:3

Su iyan a, is Nengazen Megbevayè nu, he Waǥas he Megbevayà te Israel, ne iyan a menluluwas nu. Ibeǥey ku ziyà te zuma he nasyun is Ehipto, Etiopia wey Seba he ilis kenikew.

Jeremias 13:23

Egkehimu ve he ed-ilisan te meitem he etew is meitem he kedlulundis din? Egkehimu ve ke id-awà te langgam he liyupardu is kavang din? Kenà egkehimu! Umbe sikiyu zaan is menge tig-Jerusalem, kenè kew ebpekevaal te meupiya, su neleyaman niw en is kebaal te mezaat.

Jeremias 47:4

Su neume en is timpu he edezeetan is langun he menge Filistihanen duma te menge kezapig dan he ebpuun diyà te Tyre wey Sidon. Edezeetan te Nengazen is menge Filistihanen, is menge etew he ebpuun diyà te isla te Caftor.

Hoseas 12:13

Pinaaǥi te ebpeneuven ku he si Moises, ibpeǥawas ku sikiyu is menge Israilihanen diyà te Ehipto wey mid-elimahan ku.

Amos 1:5

Ebengkaǥen ku is pultahan te Damascus wey edezeetan ku is menge pengulu ziyà te Suǥud te Aven wey Bet Eden. Ebihaǥen te menge tig-Kir is menge etew ziyà te Aram. Iyan a, is Nengazen, is migkaǥi kayi.”

Amos 2:10

Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Deuteronomio 2:23

Ne iring ded daan keniyan is nehitavù hein midsurung te menge tig-Caftor is menge tig-Avim he menge meǥinged diyà te inged he Gaza. Midezeetan dan is menge tig-Avim ne mid-ubpaan dan haazà is tanà te menge tig-Avim.