Amos 9:2 - Manobo Western Bukidnon OT

² Minsan med-eles pa sikandan diyà te zizalem te tanà, he ziyà te lugar te menge minatey, egkuwaan ku sikandan dutun. Minsan mebpemenahik pa sikandan diyà te langit, eguyuzen ku sikandan pehendiyà te zizalem.

Amos 9:2 교차 참조

Job 20:6

Minsan utew subra is kebpelavew zin, su henduen te ebpekeume en diyà te menge ǥapun,

Job 22:13

Umbe, egkaǥi ka te, ‘Wazà metueni te Megbevayà is ebeelan ku. Ne kenè e zin egkehukuman su neelangan sikandin te kivel.

Job 24:23

Egkehimu he idtuǥut te Megbevayà he dezeyaan is ked-ubpè dan, piru ebentayan te Megbevayà is langun he waleng dan.

Job 26:6

Wazà mekeeles diyà te Megbevayà is lugar te menge minatey. Wazà ebpeketambun te lugar te kezeetan.

Job 34:22

Wazà merusirem he lugar he egkehimu he ed-elesan te menge lalung.

Isaias 2:19

Ebpememelaǥuy is menge etew pehendiyà te menge surung diyà te kelendiǥan wey ziyà te menge vudsi te tanà su ed-elesan dan is Nengazen he egkepauk wey is utew subra he ǥehem din emun edhuyungen din en is kelibutan.

Jeremias 49:16

Midlimbungan kew te galbu niw wey te kedtuu niw he egkahandek keniyu is duma he menge nasyun. Mibpahambug kew he ziyè kew ed-ubpà te vetuwen he metikang he lugar. Piru minsan idrepeng niw pa is ketikang te ubpeey niw te ketikang te impisà te kulaǥu, edezeetan ku ǥihapun sikiyu.”

Jeremias 51:53

Minsan mekeuma pa ziyà te langit is berengbeng te Babilonia wey minsan utew pa heini melig-en, duen gihapun edsuǥuen ku te kedezaat kayi.

Ezekiel 26:20

Edlenepen ku sikew ziyà te kinezizaleman. Kenè ke en ebpekelikù diyà te lugar he para te menge uuyag.

Ezekiel 31:14

Umbe puun guntaan, wazè en kayu he edlavew is ketawis din wey kerapung din te zuma he menge kayu, minsan wehiǥen pa is netuvuan din. Su egkepatey is langun he kayu iring te etew he ebpatey ne ebpehendiyà heini te dizalem te tanà.”

Obadias 1:4

Su minsan pa ke ibpeiring niw is ketikang te ed-ubpaan niw te ketikang te salag te banug, etawa ibpeuma niw ziyà te menge vituen, edezeetan ku ǥihapun sikiyu. Iyan a, is Nengazen, is migkaǥi kayi.