Amos 9:11 - Manobo Western Bukidnon OT

¹¹ “Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Amos 9:11 교차 참조

Job 1:10

Idlikey nu te kezeetan sikandin wey is pemilya zin, ragkes en is langun he menge azen din. Edtuvazan nu is langun he ebeelan din, umbe mibmahabet is menge uyaǥen din diyà te tivuuk he tanà.

Salmo 143:5

Iyan, dutun daan netenuzan ku is nengehimu nu ziyà te nengehuna he timpu. Ne egngunngunuen ku heini is langun,

Salmo 80:12

He Megbevayà, maan is midrundus nu is menge verengbeng kayi te paras? Egketakew en hinuun te langun he sumeseǥazà is menge veǥas din.

Salmo 89:40

Midlempag nu is menge verengbeng te inged din wey migevè nu is menge kutà kayi.

Isaias 16:5

Ne zutun edhadì en is sevaha he kevuwazan ni David he metinumanen wey beliǥeǥawen. Emun edhukum sikandin ibpeletew zin is hustu he kukuman. Wey abtik sikandin he ebaal te metazeng.

Isaias 5:5

“Guntaan egkeǥiyan ku sikiyu ke hengkey is ebeelan ku zutun te pemuleey ku. Id-awè ku is menge nenuvù diyà te nekeliǥuy kayi he iyan nehimu he kudal zin, wey ebengkaǥen ku is menge alad kayi su para penebtavà heini te menge langgam ne wey zan daan metekutaki.

Isaias 58:12

Ed-umanan ebenguna te menge kevuwazan niw is menge inged niw he neuǥet en he nevengkag, ne ebpurungan dan is daan en he menge pundasyun. Egngezanan kew he menge etew he memumurung te nerundus he menge verengbeng wey menge valey.

Isaias 63:11

Ne hein neuǥet, netenuzan dan is midlavey he timpu he zutun impeǥawas ni Moises is menge etew zin puun te Ehipto. Ne nekeinsè dan te, “Hendei en is Nengazen he mibpelayun kenitew ziyà te zaǥat duma te pengulu tew he si Moises he iring te perevantey te menge kerehidu? Hendei en is Nengazen he mibpeuwit diyà te kenitew te Waǥas he Mulin-ulin din?

Isaias 65:9

Duen edsemaan ku he menge uuyag diyà te menge kevuwazan ni Jacob wey ni Juda, ne iyan sikandan ebpekepengevilin te tanè ku he mahabet is menge vuntud duen. Iyan sikandan is menge pinilì ku wey menge suluǥuen ku ebpekeubpà kayi he tanà.

Jeremias 18:9

Ne emun egkaǥi a he ebpekeenew wey ed-umanan ebenguna is sevaha he nasyun etawa ginhedian,

Jeremias 30:9

Ebpenilbi zan en kedì, te Nengazen he Megbevayè dan, wey te hadì dan he kevuwazan ni David he edsuǥuen ku.

Jeremias 46:26

Ibeǥey ku sikandan diyà te egkesuat he edhimatey kandan he iyan si Hadì Nebucadnezar wey is menge upisyal zin. Piru ziyà te huziyan he timpu ebpeumanan ku zed ebpeubpai is Ehipto iring te zengan. Iyan a, is Nengazen, is migkaǥi kayi.

Penhulùhulù 5:21

He Nengazen, ipelikù key ziyà te kenikew ne edlikù key. Ilikù nu zini te kenami is meupiya he kebpekesavuk dey zutun te nehuna he timpu.

Ezekiel 17:24

Ne egketuenan te langun he menge kayu kayi te tanà he iyan a is Nengazen edtamped te metawis he menge kayu wey ebpeketawis te mevavà he menge kayu. Iyan a zaan egangu te merapung he menge kayu wey ed-uman ebpetuvù te neǥangu he menge kayu. Iyan a, is Nengazen, midsaad kayi ne edtumanen ku heini.”

Ezekiel 36:11

Ibpemahabet ku is menge etew wey menge uyaǥen diyà te keniyu. Ebpeumanan ku sikiyu ebpeubpai te menge etew iring te zengan, ne ibpeuswag ku sikiyu te lavew pa te zengan. Ne egketuenan niw he iyan a Nengazen.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Obadias 1:17

“Piru zuen egkesamà he menge Israilihanen diyà te Buvungan te Zion, ne egkeuman heini egkehimu he segradu he lugar. Ne egkeuman egkaangken te kevuwazan ni Jacob is menge tanà he kandan dengan.

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Micas 7:11

Migkeǥiyan ni Micas is menge tig-Jerusalem te, “Egkeuma is timpu he ed-umanan niw ebenguna is menge verengbeng niw ne zutun he timpu ne ebmeluag pa is tanà he egkesakup niw.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Micas 7:8

Migkaǥi is menge Israilihanen te, “Kenà ereg he edsudì kenitew is menge kuntada tew. Su minsan nezeetan kiw ne ed-uman kiw ed-enew. Wey minsan diyè kiw te merusirem ne iyan is Nengazen kerayag tew.

Zacarias 12:7

Ketau ku he ebpekehuna ebpekezaag is duma he menge inged diyà te Juda, su para kenà medlavew is dengeg te kevuwazan ni David wey menge meǥinged te Jerusalem te zengeg te zuma he menge inged diyà te Juda.

Zacarias 14:10

Egkehimu he suǥud is tivuuk he tanà puun te Geba ziyà te zizaya pehendiyà te Rimon diyà te zivavà te Jerusalem. Piru ebmetikang is Jerusalem diyà te nepelestaran din, ne ed-ubpaan heini puun te pultahan ni Benjamin pehendiyà te nepelestaran te Kezaan he Pultahan, ne pehendiyè en te Pultahan diyà te Suyuk; wey puun te Turi ni Hananel pehendiyà te keresà te paras te hadì. Kenè en ed-umanen edezeeti is Jerusalem, ne is menge meǥinged kayi ebpengungubpaan en he wazà ebpekezezaat kandan.

Zacarias 6:12

Ne keǥiyi nu sikandin, he siak, is Nengazen he Mekeǥeǥehem, migkaǥi a te, ‘Is etew he migngezanan te Subpang ed-uswag is kebpekesavuk din ne iyan sikandin ebangun te valey ku. Ebeǥayan sikandin te zengeg pinaaǥi te kegkahadì din ne ebpengulu sikandin. Ne zuen memumuhat he edhitindeg diyà te avey te pinuuwè din te kedhadì ne egkeuyun sikandan is dezuwa.’

Numero 24:18

Dutun te ebmelig-en is Israel, edsekupen din is Edom he kuntada zin, he egngezanan daan te Seir.