Amos 8:7 - Manobo Western Bukidnon OT

⁷ Umbe, nenangdù is Nengazen, kes Megbevayà he impahambug niw te menge kevuwazan ni Jacob, ke sikandin te, “Kenè ku edlipatan is langun he kelelalung he mibeelan niw.

Amos 8:7 교차 참조

Job 24:23

Egkehimu he idtuǥut te Megbevayà he dezeyaan is ked-ubpè dan, piru ebentayan te Megbevayà is langun he waleng dan.

Salmo 10:11

Iyan diyà te isip dan is iring te midsebpengan te Megbevayà is menge mata zin su kenè en ebpekilavet dutun te mezaat he vaal zan.

Salmo 47:4

Mibpilì din is tanà he egkepengevilin dey, he iyan kes tanà he impehivantug te pinelanggè din he si Jacob.

Salmo 47:5

Dutun te kedhendiyà te Megbevayà te pinuuwè din te kedhadì, ed-ugyab is menge etew te kegkelipey zan duma is kebpezaǥing te menge vudyung.

Salmo 68:34

Ipezayag niw is kegkemekeǥeǥehem te Megbevayà he edhadì te Israel. Is langit ebpaahà te kegkemekeǥeǥehem din.

Exodus 17:16

Ke sikandin te, “Tenged te impaahà te menge Amalikanhen is kedsukul zan te Nengazen, ne kenà ed-engkezan te Nengazen te edtebek is menge Amalikanhen taman te taman.”

Isaias 22:14

Migkaǥi is Nengazen he Mekeǥeǥehem kayi te kediey te heini is salè niw kenè din ebpeseyluwen taman te kebpatey niw.

Isaias 43:25

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Jeremias 17:1

Migkaǥi is Nengazen te, “Sikiyu is menge etew ziyà te Juda, is menge salè niw in-ukir ziyà te kenà mepezumdumahan he gehinawa niw, henduen be te menge litra he in-ukir ziyà te vatu etawa menge sungeysungey te menge suyuk te menge pemuhatè niw.

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.

Jeremias 44:21

“Egkeisip niw ve he wazà metueni te Nengazen is kedtutung niw te veyewà wey is kedtutung te veyewà te menge kepuun niw, menge hadì wey menge upisyal wey menge etew ziyà te menge inged diyà te Juda wey ziyà te menge zalan te Jerusalem?

Hoseas 7:2

Ne kunaan dan ke egkelipatan ku is langun he kelelalung dan. Nevakus gihapun sikandan te menge salè dan ne neehè ku heini is langun.

Hoseas 8:13

Nemuhat sikandan kayi te kedì ne migkaan dan is usa te uyaǥen he ibpemuhat dan, piru wazè ku sikandan ikelipey. Ne ǥuntaan ed-isipen ku is kelelalung dan; edsilutan ku sikandin tenged te menge salè dan. Ne edlikù sikandan diyà te Ehipto.

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

Amos 4:2

migkaǥi te Nengazen he Megbevayà: “Tenged te kegkewaǥas ku ebpenangdù a he egkeuma is andew he ebihaǥen kew te menge kuntada niw ne egkeiring kew te pait he ebunuwiten.

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”