Amos 8:12 - Manobo Western Bukidnon OT

¹² Ebpekeziregdireg kew tenged te kegkeveley niw te kebpen-ahà te etew he ebpekepenudtul ziyà te keniyu te menge lalag ku, piru kenè niw egketuredu heini minsan hendei kew ebpevayà.

Amos 8:12 교차 참조

Erubasa 1:28

Ne ed-umawen a keniyu, iyan, kenà ad edtavak; ebpen-ahaan a keniyu, iyan, kenà a keniyu egketuredu.

Erubasa 14:6

Is etew he sumpalit, kenà egkehimu he uluwanen, iyan, is etew he uluwanen, melemu zà mulà egketau.

Erubasa 29:18

Emun wazà lalag te Megbevayà he ebpenurù te sevaha he inged, wazà kayi kegkelinew. Utew zeyzey is menge etew he edtuman te menge ibpenurù te Megbevayà.

Ezekiel 20:3

“Sikew is etew, keǥiyi nu heeyan is menge pengulu te Israel, he siak, is Nengazen he MEGBEVAYÀ, migkaǥi a te, ‘Midhengkayi kew ve te kebpetudtul kediey te menge lalag ku? Siak, is Nengazen he MEGBEVAYÀ he uuyag, ebpenangdù a he kenè ku edtudtulen is menge lalag ku ziyà te keniyu.’

Ezekiel 20:31

Minsan ganì guntaan midremerikan niw en is keugelingen niw pinaaǥi te kebpemuhat diyà te zuma he menge ed-ezapen ragkes en is kebpemuhata niw te menge anak niw he maama pinaaǥi te kedtevuna niw zuen diyà te hapuy. Umbe pemineg kew is menge etew te Israel, siak, is Nengazen he MEGBEVAYÀ he uuyag, he kenà ebpenudtul te menge lalag diyan te keniyu minsan edhangyù kew pa.

Daniel 12:4

Piru sikew, Daniel, isira nu zà dèpa heini is libru, wey kenè nu en dèpa tudtula is menge lalag kayi taman te egkeuma is ketepusan. Dutun te kenè pa heini ibpahayag ne mezakel is egkesuat he mesavut dan is egkengehitavù.”

Hoseas 5:6

Edangep kew kayi te kedì pinaaǥi te kebpemuhat niw te menge kerehidu, kambing, wey vaka, piru kenè niw en egkeseǥazan is kebpekiduma ku keniyu su mid-iniyuǥan ku en sikiyu.

1 Samuel 3:1

Dutun he menge andew he si Samuel ebpenilbi en te Nengazen, dizalem sikandin te kedumala ni Eli, ne mezelag dà ebpekidlalag is Nengazen, wey deisey zà is egkengelewasan.