Amos 7:16 - Manobo Western Bukidnon OT

^16-17 Ne ǥuntaan, sikew is migkaǥi he kenè ku tudtula is menge lalag te Megbevayà diyà te menge tig-Israel he menge kevuwazan ni Isaac, pemineǥa nu heini is migkaǥi te Nengazen he ebpekesuǥat kenikew: ‘Is esawa nu ebelegyà te zengeg din diyà te inged ne ebpatey te tebek is menge anak nu. Is menge tanè nu ebehinen te menge kuntada he ed-aǥew kayi, ne ebpatey ka ziyà te zuma he nasyun. Ne siguradu he ebihaǥen is menge tig-Israel ne edumahan diyà te zuma he nasyun.’ ”

Amos 7:16 교차 참조

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

2 Hadì 14:24

Mezaat is ulaula zin diyà te etuvangan te Nengazen. Wazè din engkezi te ebaal is menge salà he mibeelan ni Jeroboam he anak ni Nebat, he nehimu he hinungdan te kebpekesalà te menge tig-Israel.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Ezekiel 13:2

“Sikew is etew, rewaki nu is menge tarù he ebpeneuven kayi te Israel he ebpenagnà te binèbeelan dan dà. Keǥiyi nu sikandan he mebpemineg dan kayi te menge lalag ku:

Ezekiel 16:35

“ ‘Umbe sikew is lebag, pemineǥa nu is menge lalag ku.

Ezekiel 20:46

“Sikew is etew, sinaru ka ziyà te zivavà, kaǥi ka te ebpekesuǥat keniyan te ketelunan.

Ezekiel 21:2

“Sikew is etew, sinaru ka ziyà te Jerusalem ne kaǥi ka te ebpekesuǥat te Israel wey te menge simbahan kayi.

Amos 2:12

Piru hengkey is mibeelan niw? Impeinum niw te vinu is menge Nazareo ne mibmenduen niw is menge ebpeneuven he kenè dan keǥiya is menge lalag ku.

Amos 7:13

Kenè nu en tudtula kayi te Betel is menge lalag te Megbevayà, su kayi is simbahan he ed-ezapan te hadì, he iyan simbahan kayi te ginhedian din.”

Micas 2:6

Iyan tavak niw kediey is: “Ereg kad; kenè key en kenikew weliyi te iring dutun su kenà egkehimu he egkepeel-elezan key.

Deuteronomio 32:2

Is menge penurù ku egkeulug he iring te uzan etawa zehemug. Is menge lalag ku iring te mereǥes he uzan diyà te menge sagbet ne iring te virisbiris diyà te menge pinemula.

1 Samuel 15:16

Midtavak si Samuel te, “Hustu en! Edtudtulan ku sikew ke hengkey is migkaǥi te Nengazen kedì geina he mezukilem.” Midtavak si Saul te, “Tudtuli a.”