Amos 7:13 - Manobo Western Bukidnon OT

¹³ Kenè nu en tudtula kayi te Betel is menge lalag te Megbevayà, su kayi is simbahan he ed-ezapan te hadì, he iyan simbahan kayi te ginhedian din.”

Amos 7:13 교차 참조

1 Hadì 12:29

Is sevaha zutun te vulawan he vaka impesavuk din diyà te Betel ne is sevaha pa, ziyè din ipesavuk te Dan.

1 Hadì 12:32

Midtukud daan sikandin te pista emun ike-15 he andew te ikewalu he vulan te iring te pista ziyà te Juda. Dutun he andew, ebpemuhat sikandin diyà te Betel te menge pemuhat diyà te pemuhatà he para zuen te menge vulawan he vaka he impeveelan din. Ne mibpilì sikandin te menge memumuhat he idsavuk din diyà te menge simbahan he mibpeveelan din diyà te metikang he menge lugar.

1 Hadì 13:1

Dutun he timpu midsuǥù te Nengazen is sevaha he suluǥuen din he tig-Juda te kedhendiyà te Betel. Ne kebpekeuma zin diyà, ne edhithitindeg si Jeroboam diyà te pemuhatà su ebpemuhat.

2 Hadì 14:24

Mezaat is ulaula zin diyà te etuvangan te Nengazen. Wazè din engkezi te ebaal is menge salà he mibeelan ni Jeroboam he anak ni Nebat, he nehimu he hinungdan te kebpekesalà te menge tig-Israel.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Jeremias 26:9

Maan is migkaǥi ka pinaaǥi te ngazan te Nengazen he heini is baley te Nengazen edezeetan iring te kedezeeti te Shilo, ne heini is inged egkehimu he mekevulungbulung ne kenè en egkeubpaan?” Ne midakep dan si Jeremias dutun te valey te Nengazen.

Amos 2:12

Piru hengkey is mibeelan niw? Impeinum niw te vinu is menge Nazareo ne mibmenduen niw is menge ebpeneuven he kenè dan keǥiya is menge lalag ku.

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Amos 5:5

Kenè kew en hendiyà te Betel, te Gilgal, etawa te Beersheba te ked-azap. Su siguradu he ebihaǥen is menge etew ziyà te Gilgal, ne egkahanew is Betel.

Amos 7:16

Ne ǥuntaan, sikew is migkaǥi he kenè ku tudtula is menge lalag te Megbevayà diyà te menge tig-Israel he menge kevuwazan ni Isaac, pemineǥa nu heini is migkaǥi te Nengazen he ebpekesuǥat kenikew: ‘Is esawa nu ebelegyà te zengeg din diyà te inged ne ebpatey te tebek is menge anak nu. Is menge tanè nu ebehinen te menge kuntada he ed-aǥew kayi, ne ebpatey ka ziyà te zuma he nasyun. Ne siguradu he ebihaǥen is menge tig-Israel ne edumahan diyà te zuma he nasyun.’ ”

Amos 7:9

Edrundusen ku is menge simbahan diyà te metikang he menge lugar he zutun ed-azap is menge tig-Israel he menge kevuwazan ni Isaac. Ne ibpesurung ku te menge kuntada is Israel, he ginhedian ni Hadì Jeroboam.”