Amos 7:12 - Manobo Western Bukidnon OT

¹² Ne migkaǥi si Amazia ziyà te ki Amos te, “Sikew is ebpeneuven, ne awè ka kayi ne likù ka ziyà te Juda. Ne ziyè nu veeli is terebahu nu he igkeuyag nu he iyan is kebpeneuva kenikew.

Amos 7:12 교차 참조

2 Cronica 16:10

Tenged kayi, ne nepauk utew sikandin dutun te ebpeneuven, umbe impepirisu zin sikandin. Ne puun dutun he timpu mibpuun si Asa mebpendaagdaag te zuma he menge etew zin.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Isaias 56:11

Iring sikandan te leǥezen he menge asu he kenà egkepezaan. Menge perevantey sikandan te Israel he wazè dan kedsavut. Is kada sevaha kandan mibpenigudu en mebaal te egkesuatan din te ebaal ne iyan dà edtinguhaan din is kandin dà he keupiyaanan.

Ezekiel 13:19

Mibpendezeisey a keniyu ziyà te etuvangan te menge etew ku tenged dà te nepipira he kemkem te barli wey nepipira he supas. Mibpenhimetayan niw is kenà ereg he edhimetayan, ne mibpesagdan niw he meuyag-uyag is ereg pezem he ebpatey.

Amos 2:12

Piru hengkey is mibeelan niw? Impeinum niw te vinu is menge Nazareo ne mibmenduen niw is menge ebpeneuven he kenè dan keǥiya is menge lalag ku.

Amos 7:11

Su iyan heini migkaǥi zin: ‘Ebpatey si Jeroboam pinaaǥi te tebek, ne siguradu he ebihaǥen is menge tig-Israel pehendiyà te zuma he nasyun.’ ”

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

1 Samuel 2:36

Ne is egkesamà te kevuwazan nu, ne ebpehizuhizu sikandan te menge kevuwazan te heini he memumuhat he veǥayi zin sikandan te selapì wey egkekaan. Edhangyù sikandan he himuwa sikandan he timbang he menge memumuhat su wey zan duen egkekaan.”

1 Samuel 9:9

Migkeǥiyan ni Saul sikandin te, “Meupiya utew! Kuwa ke en, edhendiyè ki te ebpeneuven.” (Te nehuna en he menge penahun te Israel, emun duen etew he egkesuat he ebpekezineg te lalag he ebpuun te Megbevayà, egkaǥi te, “Kuwa ke en, edhendiyè ki te menenagnà,” su is egngezanan guntaan te ebpeneuven ne iyan ngazan din dengan is menenagnà.) Midhendiyà si Saul wey kes suluǥuen te inged he zutun med-ubpà kes ebpeneuven te Megbevayà.