Amos 7:10 - Manobo Western Bukidnon OT

¹⁰ Dutun he timpu, si Amazia he memumuhat diyà te Betel mibpeuwit te lalag diyà te ki Hadì Jeroboam he hadì te Israel. Ke sikandin te, “Mibpelanu si Amos te mezaat diyà te kenikew kayi mismu te Israel. Kenè en egkaantus te menge etew is menge mibpengaǥi zin.

Amos 7:10 교차 참조

Genesis 37:8

Migkaǥi haazà is menge suled din te, “Hengkey? Egkehimu ka edhadì wey ebayàbayà kenami?” Umbe mid-iseg pa is kegkepeuki zan ki Jose.

1 Hadì 13:33

Minsan pa te iyan heini nehitavù, mibpedayun gihapun si Jeroboam te mezaat he vaal zin. Mibpilì gihapun sikandin te menge etew he midhimu zin he menge memumuhat diyà te menge simbahan he ziyà te memetikang he menge lugar. Is minsan hentei he egkesuat he edhimuwen he memumuhat mid-urdinahan din.

1 Hadì 18:17

Ne hein neuma ni Ahab si Elias, ke sikandin te, “Iyan ke ves iyan heeyan is ebpendezaat te Israel.”

Jeremias 18:18

Ne migkaǥi is menge etew te, “Hendini kew, su ebpen-ehè kiw te paaǥi wey tew ikepeengked si Jeremias te kegkaǥi! Duen tew man daan menge memumuhat he ebpekepenurù kenitew te kesuǥuan wey menge ebpeneuven he ebpekeseysey ziyà te kenitew te menge lalag te Megbevayà. Umbe ebaal kiw te serupet he tudtul he ebpekezezaat kandin ne kenè tew en ebpemineǥen is ebpengeǥiyen din.”

Jeremias 36:16

Ne hein nezineg dan is langun dutun nekedsisirapà sikandan tenged te kegkehandek dan ne ke sikandan diyà te ki Baruc te, “Kinahanglan he edtudtulen tew heini ziyà te hadì.”

Jeremias 38:4

Umbe, migkeǥiyan dutun te menge upisyal sikan is hadì te, “Kinahanglan he edhimetayan heini he etew. Su id-awè din is kezasig te menge sundaru he nesamà kayi te inged, ragkes en is langun he menge etew kayi, tenged te mibpengaǥi zin diyà te kandan. Wazà sikandin medtinguhà te keupiyaanan te menge etew, kekenà, kezeetan dan.”

Amos 1:1

Iyan heini menge lalag ni Amos he tig-Tekoa he perevantey te menge kerehidu. Heini he menge lalag, ne mehitenged te Israel. Impezayag heini te Megbevayà diyà te kandin hein dezuwa pa he tuig human egkehitavù is linug, hein timpu he si Uzia iyan hadì diyà te Juda ne si Jeroboam he anak ni Joash iyan hadì diyà te Israel.

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Amos 5:10

Sikiyu is menge tig-Israel, egkepeukan niw is edhukum te hustu wey egkaǥi te tutuu ziyà te hukmanan.

Amos 5:5

Kenè kew en hendiyà te Betel, te Gilgal, etawa te Beersheba te ked-azap. Su siguradu he ebihaǥen is menge etew ziyà te Gilgal, ne egkahanew is Betel.

Amos 7:11

Su iyan heini migkaǥi zin: ‘Ebpatey si Jeroboam pinaaǥi te tebek, ne siguradu he ebihaǥen is menge tig-Israel pehendiyà te zuma he nasyun.’ ”