Amos 6:7 - Manobo Western Bukidnon OT

⁷ Ne sikiyu is menge pengulu, iyan kew egkehuna he ebihaǥen, ne egketapus en is menge pista niw wey kebpeeyehey.

Amos 6:7 교차 참조

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Isaias 21:4

Nekehuyabhuyab is kumeng ku su egkerkeren a tenged te kegkahandek ku. Kenà a ebpekehimeley ke mezukilem, tenged te kegkulbai kedì.

Isaias 24:8

ne kenè en egkezineg is egkezumahan te kelipey he tukar te menge tamburin wey menge alpa, wey is ugyab te menge etew he edsilibra.

Daniel 5:30

Dutun dà he kezukileman, midhimetayan si Belshazar is hadì te menge tig-Babilonia.

Amos 4:3

Ibpeǥawas kew zan diyà te inged niw he ziyà ibpevayà te menge vudsi te verengbeng he nevengkag, ne edumahan kew zan diyà te lugar he Harmon. Iyan a, is Nengazen, is migkaǥi kayi.

Amos 5:27

Umbe, ibpevihag ku sikiyu ziyà te hunaan pa te Damascus.” Iyan heini migkaǥi te Nengazen he migngezanan te Megbevayà he Mekeǥeǥehem.

Amos 5:5

Kenè kew en hendiyà te Betel, te Gilgal, etawa te Beersheba te ked-azap. Su siguradu he ebihaǥen is menge etew ziyà te Gilgal, ne egkahanew is Betel.

Amos 7:11

Su iyan heini migkaǥi zin: ‘Ebpatey si Jeroboam pinaaǥi te tebek, ne siguradu he ebihaǥen is menge tig-Israel pehendiyà te zuma he nasyun.’ ”

Nahum 1:10

Iring kew te etew he nelangut he nesepinit diyà te zuǥiyen he zezeisey he kayu. Edezeetan kew iyan iring te ebinsulan he reǥami.

Deuteronomio 28:41

Ebpenganak kew piru kenà haazà edtinir ziyà te keniyu su ebihaǥen sikandan.