Amos 6:5 - Manobo Western Bukidnon OT

⁵ Kehizu niw te ebaal te menge kanta zutun te edtukar kew te alpa wey susuaten he ebaal te sunata pinaaǥi te menge instrumintu iring ki David.

Amos 6:5 교차 참조

Genesis 31:27

Maan is mid-ekalan a kenikew ne migenat kew he wazà mebpenanghid kedì? Angin pezem ke migkaǥi kew kedì, minsan pezem mekeǥenat kew ne edlipeylipey kiw he edsunetahan te tamburin wey alpa.

1 Cronica 15:16

Midsuǥù ni David is menge pengulu te menge Levihanen te kebpilì te menge perekanta he ebpuun ded te iring dan he menge Levihanen, te kegkanta te menge kanta he ebpekelipey he eduyuǥan te menge lira, alpa, wey menge simbal.

1 Cronica 23:5

Is 4,000 ne iyan ebantey te menge ǥemawan te valey te Nengazen, ne is 4,000 pa ne iyan sikandan tigdalig te Nengazen pinaaǥi te menge gelemiten te kedtukar he mibpeveelan ku para te heini he vuluhaten.”

2 Cronica 29:26

Mibpelastar is menge Levihanen he zuen dan menge instrumintu he gaked dengan ni Hadì David, wey is menge memumuhat he zuen dan menge trumpita.

Megwewali 2:8

Ne midtiǥum a zaan te zekelà he selapì, bulawan, wey zuma he menge ketiǥeyunan he ebpuun te menge hadì wey ziyè te menge lugar he nesakup ku. Mezakel is memetau he menge perekanta ku, he menge maama wey menge vahi, ne zuen ku mahabet he menge esawa. Naangken ku is minsan hengkey he egkesuatan te etew!

Isaias 5:12

Diyà te menge keemuran niw duen niw banda wey vinu. Piru wazè niw seǥipaa is menge vaal te Nengazen.

Ezekiel 26:13

Pinaaǥi kayi ibpeengked ku sikiyu te kegkanta wey kedtukar te menge alpa niw.

Amos 5:23

Engkezi niw en is meǥurub he menge kanta niw. Kenà a egkesuat he ebpemineg te sunata te menge alpa niw.

Amos 8:3

Dutun he andew te kedsiluti kandan, is melipayen he kegkanta ziyà te valey ku egkehimu he sineǥawan su mahabet is ebpekepeyapat diyà te minsan hendei he ebpemematey. Ne zutun wazè en egkezineg he keǥurub. Iyan a, is Nengazen he Megbevayà, is migkaǥi kayi.”