Amos 6:3 - Manobo Western Bukidnon OT

³ Kehizu niw su kunaan niw ke kenà egkeuma is andew te kedsiluti keniyu. Tenged te mezaat he vaal niw midhimu niw he meǥaan meuma heeyan is andew he utew ed-iseg is kebpendezaat.

Amos 6:3 교차 참조

Salmo 94:20

Kenà egkehimu he edepiǥan nu is lalung he menge menhuhusey, he ebaal te supak te kesuǥuan.

Megwewali 8:11

Emun kenà segugunà edhukumi is etew he ebpekesalà, ne ebpekeisip daan is duma te kebaal te mezaat.

Isaias 47:7

Migkaǥi ke pa te is kegkerayna nu ne wazà pidtemanan! Umbe wazè nu en is-isipa heini is mibeelan nu te menge etew ku wey ke hengkey is egkehimu he rimeǥas kayi ziyà te kenikew.

Isaias 56:12

Ke sikandan te, “Hendini kew, su egkuwa kiw te inumen ne ebpelelangut kiw! Iring ded kayi is ed-ul-ulahan tew keeselem, ne edhimuwen tew he edhuna pa he zekelà is egkeinum tew!”

Penhulùhulù 4:5

Is menge etew he metaam dengan is keenen dan, ne ǥuntaan ebuyù dà te keenen te menge etew ziyà te zalan. Sikan is iyan en indekelè din is kesesepian, ne ǥuntaan ebpengarkar te keenen diyà te besurahan.

Ezekiel 12:22

“Sikew is etew, maan is duen erubasa ziyà te Israel he edhenduen te, ‘Mahabet en is midlavey he menge timpu, piru wazè man metuman is menge tagnà.’?

Ezekiel 12:27

“Sikew is etew, egkaǥi is menge etew te Israel te, ‘Is menge mibpelewasan din wey menge tagnè din ne egkeuǥet pa egkehitavù.’

Ezekiel 23:42

Egkezineg puun te ruǥu zan is keǥurub te egkengelangut wey kedlipeylipey te menge etew, he ebpemuun diyà te sibsivayan. Midrintian wey migkurunahan sikandan kayi te menge etew.

Amos 3:10

Su iyan heini kes migkaǥi te Nengazen he MEGBEVAYÀ he ebpekesuǥat te Samaria: “Kenè dan metau he edtinazeng, ne is melig-en he menge vahin te inged dan, nepenù te menge azen he tinakew wey tinavan. Umbe edsurungen sikandan te menge kuntada zan ne ebpemengkaǥen is menge pengalang dan. Egkuwaan te menge kuntada is menge azen diyà te melig-en he menge vahin te inged dan.”

Amos 3:9

Keǥiyi niw is menge pengulu he ed-ubpà diyà te melig-en he menge vahin te Ashdod wey is diyà te Ehipto he medtiǥum sikandan diyà te menge vuntud he nekeliǥuy te Samaria ne ahàa zan is kegubut kayi he inged wey is kedlisliseza te menge meǥinged kayi.

Amos 5:12

Su netuenan ku ke sengemenu kahabet wey ke sengemenu kezekelà is menge salè niw. Edèdaaǥen niw is menge etew he wazà mekesalà ne mibpenepian niw pa. Wazè niw veǥayi te hustu he kukuman diyà te hukmanan is menge pubri.

Amos 5:18

Kehizu niw te edtaǥad te kegkeuma te andew te Nengazen. Kenè niw isipa he andew heeyan te kegkelibri niw, kekenà, andew heeyan te kedsiluti keniyu.

Amos 6:12

Ebpekepelelaǥuy ve is menge kudà diyà te vetuwen he kelendiǥan? Igkeeradu ve ziyà te zaǥat is baka? Simpri kenà. Piru is kukuman midhimu niw he ebpekezezaat te etew, ne is metazeng midhimu niw he mezaat.

Amos 9:10

ebpatey te tebek sikandan is langun. Iyan heini sikandan kes egkaǥi he wazè kun mezaat he egkehitavù kandan.”

Micas 6:12

Mesipala is menge sepian keniyu, ne menge teruen kew.