Amos 6:2 - Manobo Western Bukidnon OT

² Egkeǥiyan niw is menge sakup niw te, “Ahaa niw is inged he Calne, wey is dekelà he inged he Hamat, wey is inged he Gat he sakup te Filistia. Hengkey, edhuna ve sikandan he mekeǥeǥehem te ginhedian te Juda wey Israel? Kenà. Edhuna ve he meluag is tanè dan te kenitew? Kenà daan.”

Amos 6:2 교차 참조

Genesis 10:10

Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

2 Samuel 8:9

Ne netuenan heini ni Hadì Tou he hadì te Hamat he nezaag ni David is langun he sundaru ni Hadadezer.

1 Hadì 8:65

Midsilibra si Solomon wey is langun he menge Israilihanen is Pista te Kebaal te menge Lawig seled te pitu he andew. Utew mezakel he menge etew is nevurun he ebpuun te Lebo Hamat he zapit te zizaya pehendiyà te zal-ug te Ehipto he zapit te zivavà. Haazà is kedsilibra zan diyà te etuvangan te Nengazen he Megbevayè dan 14 he andew pudu, pitu he andew is para te kebpehinunguza zuen te valey te Nengazen, ne pitu zaan he andew is kedsilibra he para zuen te Pista te Kebaal te menge Lawig.

2 Hadì 17:24

Duen menge etew he midsuǥù te hadì diyà te Asiria he medhendiyè dan te Samaria. Ebpemuun sikandan diyà te Babilonia, Cut, Ava, Hamat, wey Sefarvaim, ne impeubpè din sikandan diyà te menge inged diyà te Samaria he liwan te menge tig-Israel. Umbe midsakup dan is Samaria wey is duma pa he menge inged diyà te Israel.

2 Hadì 17:30

Is ebpuun diyà te Babilonia, mid-azap dan is kandan he ed-ezapen he si Sucot Benot. Is ebpuun diyà te Cut, mid-azap dan is kandan he ed-ezapen he si Nergal. Ne is ebpuun diyà te Hamat, mibaal te ed-ezapen dan he si Ashima.

2 Hadì 18:34

Duen be nehimu te menge ed-ezapen diyà te Hamat, Arpad, Sefarvaim, Hena, wey Iva? Nelibri ve te menge ed-ezapen diyà te Samaria is tanè dan puun te gehem ku? Wazà daan!

2 Hadì 19:13

Duen be nehimu te menge hadì diyà te Hamat, Arpad, Sefarvaim, Hena, wey Iva?”

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Nahum 3:8

Edhuna ve he lavew is Nineve kenè te inged he Tebes he uvey te Wahig he Nilo? Heini he wahig, nehimu he pengalang te Tebes su nehimu heini he verengbeng he nekeliǥuy te Tebes.

1 Samuel 17:23

Ne te kemulu sikandin ebpekidlalag kandan, mid-uvey si Goliat kes tig-Gat he metau he ebpekidtebek, ne edhinggaten din is menge Israilihanen ne nezineg heini ni David.

1 Samuel 17:4

Duen sevaha he etew he tig-Gat he metau he ebpekidtebek. Iyan ngazan din si Goliat. Migawas dutun te kampu te menge Filistihanen ne mid-uvayan din is kampu te menge Israilihanen. Subra he siyam he ǥiek is kelangkew zin.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”

1 Samuel 5:8

Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.