Amos 5:5 - Manobo Western Bukidnon OT

⁵ Kenè kew en hendiyà te Betel, te Gilgal, etawa te Beersheba te ked-azap. Su siguradu he ebihaǥen is menge etew ziyà te Gilgal, ne egkahanew is Betel.

Amos 5:5 교차 참조

Genesis 21:31

Tenged dutun te midhimu zan he kesebutan, migngezanan haazà is kalut te Beersheba su zutun dan himuwa is kesebutan dan.

Genesis 21:33

Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

Genesis 26:23

Ne puun dutun, midhalin si Isaac diyà te Beersheba.

Genesis 26:33

Migngezanan ni Isaac haazà te Siba. Umbe taman en guntaan iyan ngazan dutun is Beersheba.

1 Hadì 12:28

Umbe, hein nepasad is kebpesambag ni Jeroboam mehitenged kayi te neisip din, ne mibpevaal sikandin te zezuwa he vulawan he vaka. Ne migkeǥiyan din is menge etew te, “Sikiyu is menge Israilihanen, egkereǥenan kew en te layun kedhendiyà te Jerusalem. Ne heini zed is menge ed-ezapen he mibpeǥawas keniyu ziyà te Ehipto.”

1 Hadì 12:29

Is sevaha zutun te vulawan he vaka impesavuk din diyà te Betel ne is sevaha pa, ziyè din ipesavuk te Dan.

2 Hadì 23:8

Impelikù ni Josia ziyà te Jerusalem is langun he menge memumuhat he ziyà med-ubpà te zuma he menge inged diyà te Juda. Midremerikan din is menge simbahan diyà te metikang he menge lugar, puun te Geba pehendiyà te Beersheba, he zutun edtutung te menge veyewà is menge memumuhat. Imperundus din is menge simbahan diyà te Pultahan ni Josue, he gubirnedur te Jerusalem. Heini he pultahan diyà te egkeǥivang emun edseled ki zuen te pultahan te inged.

Job 8:22

Ebpeel-elezan din is lalung he menge kuntada nu, ne edèdeetan din is menge pemilya zan.”

Salmo 33:10

Edèdeetan te Nengazen is pelanu te menge nasyun, ne kenè din idtuǥut he medlampus is menge tuyù dan.

Isaias 29:20

Su egkaawè en is menge mesipala wey menge mesudì he menge etew. Ebpematey is langun he zekelà diyà te gehinawa zan is kebaal te salà

Isaias 8:10

Ke hengkey is pelanu niw he ebpekesuǥat kenami, kenà heini ebmezeeǥen, su zuma zey is Megbevayà.

Jeremias 48:13

Ne zutun igkeeled te menge tig-Moab is ed-ezapen dan he si Kemosh iring te ingkeeled te menge Israilihanen is kenà tutuu he megbevayà he mid-azap dan diyà te Betel.

Hoseas 10:8

Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”

Hoseas 12:11

Piru minsan pa zutun, is menge etew ziyà te Gilead, menge lalung sikandan wey wazà menge pulus, ne is menge etew ziyà te Gilgal nemuhat te menge tudu he vaka ziyà te zuma he menge ed-ezapen. Siguradu he ebengkaǥen is menge pemuhatè dan ne egkeiring heini te intambù he menge vatu he mibpenguwa ziyà te tanà he mid-eradu.

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Hoseas 9:15

Migkaǥi is Nengazen te, “Is langun he kelelalung te menge etew ku mibpuun hein diyè dan te Gilgal. Ne zutun he lugar neepesan ku en sikandan. Ne tenged te kelelalung dan ibpaawè ku sikandan kayi te Israel he mid-isip ku he ubpeey ku. Ne kenè ku en sikandan ebmahalen; nekidsukulà kedì is langun he menge pengulu zan.

Amos 1:5

Ebengkaǥen ku is pultahan te Damascus wey edezeetan ku is menge pengulu ziyà te Suǥud te Aven wey Bet Eden. Ebihaǥen te menge tig-Kir is menge etew ziyà te Aram. Iyan a, is Nengazen, is migkaǥi kayi.”

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Amos 4:4

“Sikiyu is menge Israilihanen, hendiyè kew te ed-ezapen niw ziyà te Betel wey Gilgal ne sigudu kew en baal te salà. Uwit kew te pemuhat niw kada meselem wey uwit kew te ikepulù niw kada tetelu he andew.

Amos 7:10

Dutun he timpu, si Amazia he memumuhat diyà te Betel mibpeuwit te lalag diyà te ki Hadì Jeroboam he hadì te Israel. Ke sikandin te, “Mibpelanu si Amos te mezaat diyà te kenikew kayi mismu te Israel. Kenè en egkaantus te menge etew is menge mibpengaǥi zin.

Amos 7:13

Kenè nu en tudtula kayi te Betel is menge lalag te Megbevayà, su kayi is simbahan he ed-ezapan te hadì, he iyan simbahan kayi te ginhedian din.”

Amos 7:9

Edrundusen ku is menge simbahan diyà te metikang he menge lugar he zutun ed-azap is menge tig-Israel he menge kevuwazan ni Isaac. Ne ibpesurung ku te menge kuntada is Israel, he ginhedian ni Hadì Jeroboam.”

Amos 8:14

Sikiyu is ebpenangdù pinaaǥi te ngazan te menge ed-ezapen diyà te Samaria, Dan, wey Beersheba, edezeetan kew ne kenè kew en ebpekeenew pa.”

Deuteronomio 28:41

Ebpenganak kew piru kenà haazà edtinir ziyà te keniyu su ebihaǥen sikandan.

Josue 5:9

Ne migkaǥi is Nengazen diyà te ki Josue te, “Guntaan he andew in-awè ku ziyà te keniyu is keelezan tenged te kegkeuripena keniyu ziyà te Ehipto.” Umbe iyan inngazan dutun he lugar is Gilgal taman en guntaan.

1 Samuel 11:14

Ne zutun migkeǥiyan ni Samuel is menge etew te, “Kuwa kew en, edhendiyè kiw te Gilgal su id-uman tew ibpesavut he si Saul iyan nehimu he hadì tew.”

1 Samuel 7:16

Kada tuig, ne edlibuten din is ebpuun te Betel pehendiyà te Gilgal wey Mizpa, su ebpenguluwan din is menge Israilihanen kayi he menge lugar.

1 Samuel 8:2

Si Joel is kakey, ne si Abia is hazi. Iyan sikandan nehimu he menge pengulu ziyà te Beersheba.