Amos 5:22 - Manobo Western Bukidnon OT

²² Umbe, minsan uwiti e pa keniyu te nekedseselekawà he menge pemuhat, minsan iyan pa is kineupiyahan he pemuhat, kenè ku heeyan edewaten.

Amos 5:22 교차 참조

Salmo 116:17

Ed-ezapen ku sikew ne edhalad a para te kebpeselamat kenikew.

Salmo 40:6

Wazà mekepenunuat kenikew is nekedseselekawà he kelasi te menge pemuhat. Wazè ka mebuyù te menge pemuhat he edtutungen wey pemuhat he para idlumpiyu. Kekenà, midhimu a kenikew he mepezumdumahan kenikew.

Salmo 50:23

Is ebpemuhat kayi te kedì te kebpeselamat ebeǥey kedì te zengeg, ne edlibriyen ku sikan is ebpekeventayan din he kenà sikandin mekevaal te mezaat.”

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.

Isaias 1:11

Ke sikandin te, “Wazà bali kayi te kediey te mahabet he menge pemuhat niw. Midsemu ad te menge pemuhat niw he edtutungen menge kerehidu wey menge tavà te menge uyaǥen he impelambù niw. Wazè ku ikelipey is lengesa te menge tudu he vaka, menge kerehidu, wey menge kambing.

Isaias 66:3

Piru iyan heini paaǥi te kedseǥipaa ku te menge etew he iyan ebpezumdumahan dan is keugelingen dan dà he suat, ne igkelipey zan is utew mezaat he menge vaal zan: Emun edlapà sikandan te vaka he ibpemuhat dan, ne ibpeiring ku haazà te kedhimatey te etew. Emun ebpemuhat sikandan te kerehidu, ibpeiring ku haazà te midhimatey zan te asu. Emun ebpemuhat sikandan te pemuhat he para gasa, ibpeiring ku haazà te mibpelengesa zan te lengesa te vavuy. Ne emun edtutung sikandan te veyewà su edtentenuzan e zan, ibpeiring ku haazà te mibpenubtuvazan dan is duma he menge ed-ezapen.

Jeremias 14:10

Iyan heini tavak te Nengazen te menge etew: “Ingkelipey niw is kebpekeziyu kediey; mid-ulaula niw is minsan hengkey he egkesuatan niw. Umbe kenè ku en sikiyu egkilelaan he menge etew ku. Edtentenuzan ku is kelelalung niw ne edsilutan ku sikiyu tenged te menge salè niw.”

Jeremias 6:20

Kenè ku ebeliyen is edtutungen dan he veyewà he ebpuun pa te Sheba, wey is menge pehemut he ebpuun pa ziyà te meziyù he lugar. Kenè ku egkezawat is menge pemuhat dan he edtutungen. Is menge pemuhat dan kenà ebpekelipey kedì.

Jeremias 7:21

Mibpedayun megkaǥi is Nengazen he Mekeǥeǥehem, he Megbevayà te Israel te, “Sigi, kuwaa niw is menge pemuhat niw he edtutungen duma te zuma pa he menge pemuhat niw, ne keena niw is usa kayi!

Leviticus 7:11

Iyan heini menge sulunuzen mehitenged te pemuhat he para te meupiya he kedepità te Nengazen:

Amos 5:23

Engkezi niw en is meǥurub he menge kanta niw. Kenà a egkesuat he ebpemineg te sunata te menge alpa niw.

Malakias 1:9

Migkaǥi si Malakias, “Guntaan, sikiyu is menge memumuhat, hengyua niw is Megbevayà he mehizuwi kiw zin. Piru heeyan he kelasi te menge pemuhat ne ibpemuhat niw kandin, siguradu he kenè kew zin ebpaahaan te keupiya zin. Iyan heini migkaǥi te Nengazen he Mekeǥeǥehem.”

1 Samuel 15:22

Midtavak si Samuel te, “Igkelipey ves te Nengazen is kebpemuhat niw kenà is kebpezumazuma kandin? Meupiya is kebpezumazuma te Nengazen kenà is kebpemuhat. Meupiya pa is kebpemineg kandin kenà is kebpemuhat te menge melambeg ke kerehidu.