Amos 5:10 - Manobo Western Bukidnon OT

¹⁰ Sikiyu is menge tig-Israel, egkepeukan niw is edhukum te hustu wey egkaǥi te tutuu ziyà te hukmanan.

Amos 5:10 교차 참조

1 Hadì 18:17

Ne hein neuma ni Ahab si Elias, ke sikandin te, “Iyan ke ves iyan heeyan is ebpendezaat te Israel.”

1 Hadì 21:20

Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!

1 Hadì 22:8

Midtavak si Ahab ki Jehoshafat te, “Duen pa sevaha he egkepenginginsaan ta ke hengkey is egkekaǥi te NENGAZEN–si Micaya he anak ni Imla. Piru egkeepesan ku sikandin su wazà meupiya he menge tagnè din para kedì, kekenà, pudu zà kenà meupiya.” Midtavak si Jehoshafat te, “Kenè ka ereg he egkaǥi te iring keniyan.”

2 Cronica 25:16

Dutun te kemulu pa egkaǥi haazà is ebpeneuven, ne midtavak haazà is hadì te, “Maan is edsembaǥan a kenikew? Midhimu ku ve sikew he peresambag? Mebpereremek ka, emun kenè ka egkesuat he ebpatey.” Umbe, mibpereremek haazà is ebpeneuven hein nekepasad sikandin he egkaǥi kayi: “Siguradu he edèdeetan ka te Megbevayà tenged te mid-azap nu is duma he menge ed-ezapen ne wazè ka mebpemineg kedì.”

2 Cronica 36:16

Piru mid-undaunda zan dà is menge ebpeneuven te Megbevayà, mid-engitan dan, wey wazè dan beliya is menge lalag kayi te menge ebpeneuven. Umbe nepeukan sikandan te Nengazen, ne wazà ebpekeeǥen kandin.

Erubasa 15:12

Is etew he sumpalit, kenà egkesuat he ebpenuruen ne kenà sikandin ebpekisambag diyà te metau.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Isaias 59:15

Uya, naawè en is ketutuanan, ne is menge edlikey te kebaal te mezaat ne ebpesipelahan. Naahà heini te Nengazen, ne wazè din ikelipey is kenà ked-ikul te hustu he kukuman.

Jeremias 38:7

Piru hein nezineg ni Ebed Melec he tig-Etiopia he sevaha zuen te menge upisyal ziyà te turuǥan, he in-ahuk si Jeremias duen te vudsi he punduwà te wahig, midhendiyà sikandin te hadì he ziyà te turuǥan. Dutun he timpu ebpimpinuu sikan is hadì diyà te Pultahan he Benjamin. Migkeǥiyan din haazà is hadì te,

Hoseas 4:4

“Kinahanglan he wazà medsumbung etawa mebasul ziyà te minsan hentei keniyu su iyan kew is menge memumuhat ereg he idsumbung.

Leviticus 13:10

Emun egkesusi te memumuhat he ebmemeputìputì is levag he iyan hinungdan te kebmemeputì te menge vulvul zuen, ne egkeehè en is sapù,

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.