Amos 5:1 - Manobo Western Bukidnon OT

¹ Menge etew te Israel, pemineǥa niw heini is mekeseseeng he kebpenhulùhulù mehitenged keniyu:

Amos 5:1 교차 참조

Jeremias 18:13

Umbe, iyan heini migkaǥi te Nengazen: “Duen be nehitavù diyà te zuma he menge nasyun he migkaǥi te iring kayi? Is Israel he iring te vahi he wazè pa mehileveti mibaal te utew mezaat he vaal.

Jeremias 7:29

He menge tig-Jerusalem, pekiskisi niw is menge ulu niw ne itimbag is menge vulvul niw he tuus te kegkeseeng niw. Lalew kew ziyà te menge zemilag he menge vuvungan, su inselikwey wey mibey-anan kew te Nengazen is lapis te menge kevuwazan niw he egkepeukan din.”

Jeremias 9:10

Migkaǥi si Jeremias te: Edlelendag a tenged te menge vuntud; edlalew a tenged te menge penebtavà diyà te sibsivayan. Su egkehimu en heini he mekevulungbulung ne wazè en edsaǥad kayi. Kenè en egkezineg kayi is ked-engà te menge vaka, ne mibpekeziyù en is menge tagbis wey minsan is dumezaas he menge langgam.

Jeremias 9:17

Mibpedayun megkaǥi is Nengazen he Mekeǥeǥehem, “Ngunngunua niw is nengehitavù. Umawa niw is menge vahi he peresineǥew, lavew en sikan is utew metau he edluluǥib.

Jeremias 9:20

Guntaan, sikiyu is menge vahi, pemineǥa niw is migkaǥi te Nengazen. Purungi niw heini pemineǥa. Penurua niw is menge anak niw he menge vahi wey menge zuma niw te kedruǥur wey te kegkanta para te minatey.

Jeremias 9:9

Umbe, ereg he edsilutan ku sikandan. Ereg he ebelesan ku is nasyun he iring kayi.”

Ezekiel 19:1

Migkaǥi is Nengazen kayi te kediey te, “Kentaha nu heini is kanta para te kebpenhulùhulù mehitenged te menge pengulu te Israel:

Ezekiel 19:14

Netutung is sevaha he subpang kayi ne midelandap diyà te zuma he menge subpang ne netutung is menge veǥas din. Umbe wazè en nesamà he melig-en he subpang din he egkehimu he ebeelan he tuked te hadì. “Heini he kebpenhulùhulù ereg he egkentahan kayi he timpu.”

Ezekiel 26:17

Ne edsineǥew sikandan he egkaǥi te: ‘Utew subra is kegkezeeti nu, sikew is nevantug he inged he ed-ubpaan te menge etew he iyan ibpeguyag dan is daǥat. Mekeǥeǥehem ka utew ziyà te menge zaǥat, ne egkehandek is menge etew he ed-ubpà diyà te veyvey te zaǥat.

Ezekiel 27:2

“Sikew is etew, kanta ka te kentahan para te kebpenhulùhulù mehitenged te Tyre,

Ezekiel 28:12

“Sikew is etew, kanta ka te kentahan te kedlelawi te hadì te Tyre. Keǥiyi nu sikandin he iyan a, is Nengazen he MEGBEVAYÀ migkaǥi te: Dengan petug-iringan ka te wazè din kurang. Metau ka wey utew mekempet.

Ezekiel 32:16

“Iyan haazà penhulùhulù te menge meǥinged diyà te menge nasyun para te Ehipto wey te langun he menge meǥinged kayi. Iyan a, is Nengazen he MEGBEVAYÀ, is migkaǥi kayi.”

Ezekiel 32:2

“Sikew is etew, penhulùhulù ka mehitenged te Faraon he hadì te Ehipto. Ne keǥiya nu heini ziyà te kandin: Mid-isip nu he iring ka te erimaung he ibpedleleyunè din dà te edhipanew is menge nasyun. Piru iyan benar is iring ke zà te vuaya he ed-en-enunung diyà te wahig nu. Edsimbeǥen nu te paa nu is wahig ne egkeleveg heini.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 5:16

Su iyan heini migkaǥi te Nengazen he Megbevayà he Mekeǥeǥehem: “Egkeuma is timpu he zuen ebpemenineǥew wey ebpemen-erang diyà te menge zalan niw wey menge pelasa. Is menge perevasuk ibpetawag su wey zan mesineǥawi is menge minatey zuma te menge etew he edsuhulan wey mekesineǥew.

Amos 8:14

Sikiyu is ebpenangdù pinaaǥi te ngazan te menge ed-ezapen diyà te Samaria, Dan, wey Beersheba, edezeetan kew ne kenè kew en ebpekeenew pa.”

Micas 2:4

Dutun he andew edsudien kew te menge etew pinaaǥi te mekeseseeng he penhulùhulù he edhenduen te, ‘Mibpurungan key zezeeti! Migkuwa te Nengazen is tanè dey ne imbeǥey zin diyà te menge limbungan.’ ”