Amos 4:2 - Manobo Western Bukidnon OT

² migkaǥi te Nengazen he Megbevayà: “Tenged te kegkewaǥas ku ebpenangdù a he egkeuma is andew he ebihaǥen kew te menge kuntada niw ne egkeiring kew te pait he ebunuwiten.

Amos 4:2 교차 참조

Salmo 89:35

Pinaaǥi te waǥas he ngazan ku nenangdù a ziyà te ki David, ne kenà duwazuwa he edtumanen ku is insaad ku kandin su kenè e man teruen.

Salmo 89:36

Is kada hadì te Israel ne ziyà ebpuun te menge kevuwazan din taman te taman. Is ginhedian din iring te andew he kenà egkaawà diyà te etuvangan ku.

Isaias 37:29

Su nezineg ku is kegkepeuki nu kedì wey is kebpehambug nu, egkew-itan ku is izung nu wey ebusalan ku is bèbè nu, ne eguyuzen ku sikew ziyà te zalan he mibeyaan nu, su wey ka mekelikù diyà te ebpuunan nu.”

Jeremias 16:16

“Piru ǥuntaan, ibpehendiyè ku zep-a te kandan is mezakel he menge kuntada zan he iring te menge mengingisdà he edhingutel kandan. Is menge kuntada zan iring daan te menge mengengasu he ebpen-ahà kandan diyà te menge vuntud, menge vuvungan, wey ziyà te menge sihung te vatu.

Ezekiel 29:4

Piru egkew-itan ku te menge vunuwit is bakè nu, ne igaun ku sikew puun te menge wahig nu duma te menge isdà he ebpemekepikit diyà te menge hun-ap nu.

Ezekiel 34:16

Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.

Ezekiel 38:4

Egkew-itan ku te vunuwit is bakè nu, ne eguyuzen ku sikew zuma te langun he menge sundaru nu. Ed-endamen ku para te tebek is menge kudè nu, wey egkeǥumeenan he pereuntud te kudà, wey is mahabet he menge sundaru he zuen dan dezekelà wey dezeisey he menge kelasag wey is langun he egkeǥumeenan te ispada.

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”

Amos 8:7

Umbe, nenangdù is Nengazen, kes Megbevayà he impahambug niw te menge kevuwazan ni Jacob, ke sikandin te, “Kenè ku edlipatan is langun he kelelalung he mibeelan niw.