Amos 3:6 - Manobo Western Bukidnon OT

⁶ Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?

Amos 3:6 교차 참조

Genesis 50:20

Su minsan pa te mezaat is tuyù niw kediey, mibpengelinteuwan te Megbevayà he meupiya is pangkus din. Su impelavew e zin su wey kiw is mezakel melibri ne kenà meumes.

2 Hadì 6:33

Ne zutun te edlelaǥan pa sikandan ni Elisha, nekeume en sikan is midsuǥù te hadì ne migkaǥi sikandin te, “Heini he kezeetan, ketau te Nengazen is kegkehitevua kayi. Umbe kenà ad edtaǥad te tavang din.”

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Jeremias 10:7

Hentei man is kenà edtahud kenikew te hadì te menge nasyun? Utew ke man dait he edtehuzen. Wazà ebpekeiring kenikew zuen te langun he uluwanen diyà te nekedseselekawà he menge nasyun, ne kenà ebpekeiring kenikew is langun he menge hadì dan.

Jeremias 4:19

Kenè ku en egkaantus is kegkeseeng ku; utew subra is kebpekezag-es ku. Henduen be te ebpemevayu is kumeng ku tenged te kekulbà ne kenà a ebpeketeren. Su nezineg ku is daǥing te vudyung ne nezineg ku zaan is kulehian te ebpekidtebek.

Jeremias 4:5

“Keǥiyi is menge tig-Juda wey menge tig-Jerusalem he ipezaǥing dan is budyung diyà te tivuuk he tanà. Ne kulehia zan te mezaǥing is menge etew he mebpelaǥuy zan wey med-eles diyà te menge inged he neliǥuy te menge verengbeng.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.

Ezekiel 33:3

Emun egkaahà dutun te vantey he ebpelingguma is menge kuntada, ipezaǥing din is trumpita he para te kebpetizaan te menge etew.

Hoseas 5:8

“Ipezaǥing niw is menge vudyung wey menge trumpita su wey mekepengandam is menge etew ziyà te Gibea wey Rama! Ipezineg niw ziyà te Bet Aven is kulehian para te kebpekidtebek! Pengandam kew is menge etew te Benjamin!

Amos 3:5

Egketuǥesan be is tagbis emun wazà epani is penuǥes? Egkevekas be is penuǥes emun wazè din egkevekasan?

Zefanias 1:16

ne egkezineg is daǥing te menge vudyung wey kulehian te menge sundaru zutun te edsurung dan diyà te vinerengbeng he menge inged wey ziyà te metikang he menge turi kayi.

Zacarias 8:10

Hein wazè pa mepuuni is ked-umana kebenguna te valey ku, melised is kebpekesavuk niw ragkes is kepekesavuk te menge uyaǥen niw. Wazà meveyazi is menge etew he edterebahu wey menge uyaǥen he migamit te kedterebahu, wey mekulbà is kedhiphipanew ziyà te minsan hendei su midhimu ku he mekedtetebek is menge etew.