Amos 3:12 - Manobo Western Bukidnon OT

¹² Heini pa is migkaǥi te Nengazen: “Is egkekuwa te vantey te kerehidu zuen te uyaǥen he edeesan te erimaung egkehimu he iyan dà is dezuwa he vuvun etawa sevaha te telinga. Ne iring keniyan is egkehitavù keniyu te menge Israilihanen he menge meǥinged diyà te Samaria; is egkesamà keniyu, iyan dà is menge vahin te mekempet he menge hizeǥaan niw.”

Amos 3:12 교차 참조

1 Hadì 20:30

Ne is nesamà he menge Aramihanen nemelaǥuy ziyà te inged he Afek, ne zutun netempaǥan te verengbeng dutun te inged is 27,000 kandan. Mibpelaǥuy zaan dutun si Ben Hadad, ne mid-eles diyà te kineselezan he ruǥu te valey.

1 Hadì 20:34

Migkaǥi si Ben Hadad diyà te ki Ahab te, “Id-ulì ku ziyà te kenikew is menge inged he mid-aǥew te amey ku ziyà te amey nu. Ne egkehimu ke edtukud ka te menge tindahan diyà te Damascus, iring te mibeelan te amey ku ziyà te Samaria.” Migkaǥi si Ahab te, “Edhimuwen ta heini he sevaha he kesebutan, ne ibpaawè ku sikew.” Umbe mid-uyun sikandan, ne hein nepasad impeǥenat sikandin ni Ahab.

1 Hadì 22:25

Midtavak si Micaya te, “Egketuenan nu heini zutun te andew he egkezaag kew en te tebek ne ed-eles ka ziyà te kineselezan he ruǥu te valey.”

2 Hadì 16:9

Mibpezumazuma haazà is hadì te Asiria te hangyù ni Ahaz, umbe midsurung din is Damascus ne mid-aǥew zin heini. Miduma zin is menge meǥinged dutun diyà te Kir su mibihag din, ne midhimetayan din si Rezin.

Ester 1:6

Ne haazà is lugar ne mideyzeyanan te meputì wey meitem is kaavuavu zin he menge kurtina he midhiketan te hiket he iyan mibeelan is merudtem he linu, ne impikit haazà duen te menge mibpen-iring te sising he pelata zuen te menge tukud he marmul. Ne zuen dutun menge vangkù he vulawan wey pelata, he ziyà ipelastar te saag he meupiya he ed-ahaan he kristal, marmul, perlas wey zuma pa he menge mahalen he menge vatu.

Ester 7:8

Ne hein midlikù kes hadì puun diyà te pemuleey ziyà te turuǥan pehendiyà te lugar he zutun dan med-inum, neehè din si Haman is ed-ul-ulembà duen te midhizeǥaan ni Ester is edhangyù. Ne migkaǥi haazà is hadì te, “Es! Es! Egkesuatan nu pa te edlayug is rayna kayi te turuǥan ku minsan kayi te etuvangan ku?” Hein nekepasad he egkaǥi haazà is hadì, midtembunan te menge suluǥuen is ulu ni Haman.

Salmo 132:3

“Kenà a ed-ulì wey kenà a edhizeǥà;

Isaias 17:7

Dutun he andew, edangep en is menge etew ziyà te midlimbag kandan he iyan is Waǥas he Megbevayà te Israel.

Isaias 31:4

Iyan heini migkaǥi te Nengazen kayi te kedì, “Wazà ebpekeeǥen te erimaung te kedawi te edewiyen din minsan ebpengulahì pa is menge ebantey zutun te edewiyen. Ne iring daan kediey, wazà ebpekeeǥen kedì te kedipinsahi ku te Buvungan he Zion.

Isaias 8:4

Ne te kenè pa egketau heeyan is batà he edsampit te Amà etawa Inà, ne is ketiǥeyunan diyà te Damascus wey is midtavan te menge tig-Samaria ne egkuwaan te hadì te Asiria.”

Amos 6:4

Kehizu niw te edhidhizeǥè dà diyà te mahalen he menge katri niw, he ebpetakè en egkaan te usa te nati he kerehidu wey impelambù he nati he vaka.

Amos 9:8

Siak, is Nengazen he MEGBEVAYÀ, edtengteng a keniyu te mezaat he ginhedian. Ne edezeetan ku sikiyu taman te egkahanew kew kayi te kelibutan. Piru zuen egkesamà keniyu te menge kevuwazan ni Jacob. Iyan a, is Nengazen, is migkaǥi kayi.