Amos 3:1 - Manobo Western Bukidnon OT

¹ “Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 3:1 교차 참조

2 Cronica 20:15

Migkaǥi si Jahaziel te, “Hadì Jehoshafat, wey sikiyu is langun he mid-ubpà kayi te Juda wey Jerusalem, pemineg kew! Iyan heini egkeǥiyen te Nengazen keniyu, ‘Kenè kew mahandek wey mebmeluya tenged kayi te mezakel he menge sundaru, su kenè kew iyan ebpekidtebek, kekenà, iyan a is Megbevayà.

Isaias 46:3

Pemineg kew kediey is menge kevuwazan ni Jacob, wey sikiyu is langun he nesamà he menge etew te Israel. Mid-atur ku sikiyu puun pa te kegkeetew niw.

Isaias 48:12

“Pemineg kew, is menge tig-Israel he menge pinilì ku. Iyan a Megbevayà; iyan a kes nehuna wey egkepengkusan te langun.

Jeremias 13:11

Is bahag egkeheǥet diyà te hawak te etew, ne egkesuatan ku zaan he is langun he menge etew ziyà te Israel wey Juda ne meheǥet is kegewezi zan kediey. Midhimu ku sikandan he menge etew ku, su para mevantug a wey para meveǥayi a te zengeg, piru kenè dan ebpemineg kedì. Iyan a, is Nengazen, is migkaǥi kayi.

Jeremias 31:1

Mibpedayun pa megkaǥi is Nengazen te, “Dutun he timpu, egkehimu a he Megbevayà te langun he pemilya te Israel, ne egkehimu zan he menge etew ku.

Jeremias 8:3

Is egkesamà he uuyag kayi te mezaat he nasyun ibpeyapat ku ziyà te zuma he menge nasyun, ne zutun edtumuen dan is kebpatey kenà te kegkeuyag. Iyan a, is Nengazen he Mekeǥeǥehem, is migkaǥi kayi.”

Hoseas 4:1

Sikiyu is menge Israilihanen he meǥinged diyà te tanà he Israel, pemineǥa niw is riklamu te Nengazen keniyu: “Wazè en etew ziyà te tanè niw he metinumanen, ebmahal, wey egkilala kediey,

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Amos 2:10

Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 5:1

Menge etew te Israel, pemineǥa niw heini is mekeseseeng he kebpenhulùhulù mehitenged keniyu:

Micas 2:3

Umbe, iyan heini migkaǥi te Nengazen diyà te keniyu, “Pemineg kew! Mibpelanu a he edezeetan ku sikiyu ne kenè kew ebpekelibri te keugelingen niw. Kenè kew en ebpekepahambug su zutun he timpu edezeetan ku sikiyu.

Micas 3:1

Migkaǥi si Micas te, “Sikiyu is menge pengulu te Israel wey Juda, pemineg kew! Kenè be iyan kew ereg he ebantey wey kenà maawà is hustu he kukuman?

Zefanias 2:5

Mekehizuhizu kew is menge Filistihanen he ebpemen-ubpà diyà te veyvey te zaǥat. Iyan heini migkaǥi te Nengazen he ebpekesuǥat keniyu: ‘Sikiyu is menge Filistihanen diyà te Canaan, edezeetan ku sikiyu ne wazà egkesamà keniyu.’