Amos 2:6 - Manobo Western Bukidnon OT

⁶ Iyan heini migkaǥi te Nengazen mehitenged te Israel: “Tenged te kedtulung kebaal te salà te menge tig-Israel, edsilutan ku sikandan. Su imbelegyè dan he menge uripen is menge etew he wazà mekesalà, tenged dà te utang dan. Mibeelan dan heini ziyà te menge pubri minsan nekeutang dà diyà te kandan te senge paris he sandalyas.

Amos 2:6 교차 참조

2 Hadì 18:11

Miduma te hadì diyà te Asiria is menge tig-Israel ziyà te Asiria su mibihag din, ne ziyè dan ipeubpà te inged he Hala, diyà te menge lugar he uvey te Wahig he Habor he ziyà te Gozan, wey ziyà te zezekelà he menge inged te menge Midianhen.

2 Hadì 18:12

Nehitavù heini ziyà te menge tig-Israel su wazè dan mebpezumazuma te Nengazen he Megbevayè dan; midsupak dan is kebpekid-uyun te Nengazen kandan, wey midsupak dan is langun he menge suǥù he imbeǥey te Nengazen pinaaǥi te suluǥuen din he si Moises. Wazè dan heini pemineǥa wey wazè dan tumana.

Isaias 29:21

ragkes is langun he ebpen-ulug te kewusa, is edtuis te ketazeng diyà te hukmanan, wey is menge tistiǥus he edtarùtarù su para kenà mevaǥayì te hustu he kukuman is wazà mekesalà.

Ezekiel 22:13

“Menge tig-Jerusalem, edsumbaǥen ku is palad ku he tuus te utew ku kegkepauk tenged te kebpenapì niw wey kebpenhimatey.

Joel 3:3

Mibahin dan is menge etew ku pinaaǥi te ripa, ne imbelegyè dan he uripen is menge vatà he menge maama wey menge vahi, su ibayad dan is halin te inumen wey menge vahi he ebelegyà te zengeg dan.

Joel 3:6

Mid-uripen niw is menge etew te Juda wey te Jerusalem ne imbelegyè niw ziyà te menge Gerisyahanen, su wey niw sikandan ikepekeziyù diyà te tanè dan.

Zacarias 11:5

Is menge nemasa wey midlapà kayi ne wazà siluti. Is menge mibelegyà dutun, egkaǥi te, ‘Ereg he edeliǥen is Nengazen! Su sepian ad!’ Minsan is menge perevantey wazè dan ikehizu haazà is menge kerehidu.