Amos 2:15 - Manobo Western Bukidnon OT

¹⁵ Minsan is menge perepanà diyà te tebek, ne ebpekeendud. Is menge sundaru he meǥaan he ebpelelaǥuy ne kenà ebpekepelaǥuy, ne is menge pereuntud te kudà ne kenè dan egkelibri is keugelingen dan.

Amos 2:15 교차 참조

Ezekiel 39:3

Ne ed-eǥawan ku sikew te ǥumaan,

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Isaias 31:3

Is menge Ehiptohanen menge etew zà ne kenè Megbevayà. Is menge kudè dan, ne kenà heini menge mulin-ulin, kekenà, iring ded te zuma he menge kudà. Emun edsilut en is Nengazen, egkezeetan is Ehipto ragkes is menge nasyun he edtevangan kayi. Pudu heini egkezeeti.

Jeremias 51:56

Ebpekeuma is edezaat te Babilonia ne ebihaǥen is menge sundaru zin, ne egkengevadtì is menge panè dan. Su siak, is Nengazen, iyan Megbevayà he edsilut te menge lalung. Idsilut ku ziyà te Babilonia is silut he ereg kayi.

Haggai 2:22

Edèdeetan ku is menge ginhedian ne id-awè ku is gehem dan. Eberiudsungen ku is menge kerwahi zan wey is ebpemen-untud kayi. Ebpemematey is menge kudà ne ed-uuney ebpehimhimetayà is menge pereuntud kayi.

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Amos 9:1

Migkaǥi si Amos te, “Neehè ku is Nengazen he midhitindeg diyà te pemuhatà he ke sikandin te, ‘Pukpuka nu is in-ulu keniyan te menge tukud te valey ku su wey merundus is atep din ne wey merundusi is menge etew. Ne is kenà ebpatey kandan ne edhimetayan ku pinaaǥi te tebek. Wazà minsan sevaha kandan he ebpekelikey etawa ebpekepelaǥuy.