Amos 2:14 - Manobo Western Bukidnon OT

¹⁴ Umbe, minsan is mezesen he ebpelelaǥuy keniyu, ne kenà ebpekepelaǥuy, is mezesen ebmeluya, ne is menge sundaru, kenè dan egkelibri is keugelingen dan.

Amos 2:14 교차 참조

Job 11:20

Piru egkepakyas mulà is menge lalung ne wazè dan en egkepeleǥuyan, ne kemetayen dà is egkeperateng dan.”

Salmo 33:16

Is hadì kenà ebpekezaag te tebek tenged dà te kezakel te menge sundaru zin. Is sevaha he sundaru kenà ebpekeǥawas he libri puun te tebek tenged dà te kezesen din.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Jeremias 25:35

Wazà lugar he egkehelinan niw etawa egkepeleǥuyan niw.

Jeremias 39:4

Ne hein naahà heini ni Hadì Zedekia wey te langun he menge sundaru zin, mibpelaǥuy sikandan. Mezukilem is ked-awè dan dutun te inged, ne ziyè dan mebayà te pemuleey te hadì; migawas dan he zuen mebayà te pultahan he nekepetug-elang te zezuwa he verengbeng, ne midhendiyè dan te Araba.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Amos 5:9

Kandin he ketau is kegketik-ew kegkezeeti te pengalang te inged, ne edweǥayen din is miberengbeng he inged.