Amos 2:10 - Manobo Western Bukidnon OT

¹⁰ Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Amos 2:10 교차 참조

Nehemias 9:21

Mibeǥayan nu sikandan te menge kinahanglan dan seled te 40 he tuig te ziyà sikandan te sibsivayan. Umbe kenà kurang is menge kinehenglanen dan. Wazà mezaan is menge visti zan wey wazà lupangi is menge paa zan te kedtulung dan kedhipanew.

Salmo 95:10

Ne seled te 40 he tuig is kegkepeuki ku zutun he lapis te kevuwazan. Ne migkaǥi ku he mid-iniyuǥan a zutun he menge etew ne wazè dan sunuza is impenurù ku kandan.

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Exodus 20:2

“Iyan a Nengazen he Megbevayè niw, iyan a mibpeǥawas keniyu ziyà te Ehipto he zutun kew uripena.

Exodus 3:8

Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.

Jeremias 2:6

Wazè e zan en pen-ahaa minsan pa te iyan a mid-uwit kandan diyà te gawas te Ehipto, ne migiyahan ku sikandan pehendiyà te sibsivayan he wazà duen menge pinemula. Haazà he tanà disirtu, duen menge vudsi, memaza, dilikadu, wey wazà duen ed-ubpà wey minsan edsaǥad.

Ezekiel 20:10

Umbe, impeǥawas ku sikandan puun te Ehipto ne mid-uwit ku ziyà te sibsivayan.

Amos 3:1

“Sikiyu is menge tig-Israel, he is menge kepuun niw impeǥawas te Nengazen diyà te Ehipto, pemineǥa niw is menge lalag din he ebpekesuǥat keniyu:

Amos 9:7

Migkaǥi is Nengazen te, “Is ked-ahaa ku keniyu te menge tig-Israel ne iring dà te menge tig-Etiopia. Tutuu iyan he impeǥawas ku sikiyu ziyà te Ehipto, piru impeǥawas ku zaan is menge Filistihanen diyà te Caftor ne is menge Aramihanen impeǥawas ku ziyà te Kir.

Micas 6:4

Impeǥawas ku pa ganì sikiyu ziyà te Ehipto he zutun kew uripena. Ne mibpilì ku si Moises, si Aaron, wey si Miriam te kebpengulu keniyu.

Numero 13:32

Ne midtudtulan dan is menge Israilihanen te mekesuǥeysuǥey mehitenged duen te tanà he midsusi zan. Iyan heini migkaǥi zan, “Kenà meupiya is tanà he midsusi zey, su ebpekekaid te menge meǥinged duen, ne liyu keniyan, is menge etew he neehè dey zutun ne utew memelangkew.

Numero 21:25

Umbe, naaǥew te menge Israilihanen is langun he dezekelà he inged te menge Amorihanen ne mid-ubpaan dan haazà, ragkes is Heshbon wey is langun he dezeisey he inged he sakup kayi.

Numero 32:13

Utew nepeuki te Nengazen is menge Israilihanen. Umbe, midtazintazin din sikandan diyà te sibsivayan seled te 40 he tuig, taman te nemematey haazà is tivuuk he lapis te kevuwazan he mibaal te mezaat diyà te etuvangan din.

Deuteronomio 1:39

“Ne migkaǥi is Nengazen diyà te kenitew te langun te, ‘Ebpekeseled mulà dutun te tanà is menge anak niw he wazè dan pa hanew. Nahandek kew he kela ke vihaǥa sikandan, piru diyè ku te kandan ibeǥey haazà is tanà ne egkaangken dan heini.

Deuteronomio 2:7

Tentenuzi niw is kedtuvazi ku te langun he mibeelan niw. Iyan a Nengazen he Megbevayè niw, iyan a mibantey keniyu ziyà te hipanew niw kayi te meluag he sibsivayan. Seled te 40 he tuig is kebpekiduma ku keniyu ne wazà megkurang is minsan hengkey he kinahanglan niw.” ’ Iyan haazà lalag te Nengazen kediey.

Josue 13:4

diyà te zivavà; is langun he tanà te Canaanhen puun te Meara, he ǥaked dengan te menge Sidunhanen, taman te Afek he zulunà te tanà te menge Amorihanen.

Josue 24:8

“Ne mid-uwit ku sikiyu ziyà te tanà te menge Amorihanen diyà dapit te edsilaan te Wahig he Jordan. Nekidtebek dan keniyu piru imbeǥey ku sikandan keniyu. Midèdeetan ku sikandan ne nekuwa niw is tanè dan.