Amos 1:8 - Manobo Western Bukidnon OT

⁸ Edezeetan ku is menge pengulu ziyà te Ashdod wey Ashkelon, ne edsilutan ku is menge tig-Ekron. Is menge Filistihanen he ebpekepelaǥuy te silut, ebpematey zaan. Iyan a, is Nengazen he Megbevayà migkaǥi kayi.”

Amos 1:8 교차 참조

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Salmo 81:14

ne diritsu ku zà edsiluti wey edaaǥa is menge kuntada niw.

Isaias 1:25

Edsilutan ku sikiyu su wey kew melumpiyuwi iring te pelata he edlunsayen pinaaǥi te hapuy.

Isaias 20:1

Tenged te suǥù ni Hadì Sargon te hadì te Asiria, midsurung te peremandar te menge sundaru ziyà te Asiria is Ashdod, ne mid-aǥew zan heini.

Jeremias 47:1

Iyan heini migkaǥi te Nengazen diyà te ki Jeremias he ebpeneuvan mehitenged te Filistia hein wazè pa surunga te hadì te Ehipto is Gaza:

Ezekiel 25:16

Umbe iyan a, is Nengazen he MEGBEVAYÀ, migkaǥi he edsilutan ku is menge Filistihanen. Ebpenhimetayan ku is menge tig-Keret wey is duma pa he menge ebpemen-ubpà diyà te veyvey te zaǥat.

Joel 3:4

“Sikiyu is menge etew ziyà te Tyre, Sidon, wey te langun he lugar ziyà te Filistia, hengkey heini is mibeelan niw he igkuntra niw kedì? Mibelesan e ve keniyu tenged te mibeelan ku. Emun mibelesan a keniyu, ne ebelesan ku zaan sikiyu tenged te mibeelan niw.

Amos 1:7

Umbe, ebinsulan ku is menge verengbeng diyà te Gaza wey is melig-en he menge vahin kayi he inged.

Amos 3:9

Keǥiyi niw is menge pengulu he ed-ubpà diyà te melig-en he menge vahin te Ashdod wey is diyà te Ehipto he medtiǥum sikandan diyà te menge vuntud he nekeliǥuy te Samaria ne ahàa zan is kegubut kayi he inged wey is kedlisliseza te menge meǥinged kayi.

Obadias 1:18

Is menge kevuwazan ni Jacob wey ni Jose egkeiring te hapuy he edezaat te kevuwazan ni Esau, ne egkeiring sikandan te egkevinsulan he reǥami. Ne wazè egkesamà te menge kevuwazan ni Esau. Siguradu he egkehitavù heini su iyan a, is Nengazen, is migkaǥi kayi.

Zacarias 13:7

Migkaǥi is Nengazen he Mekeǥeǥehem te, “Endama is ispada! Himetayi is perevantey ku te menge kerehidu he suluǥuen ku. Himetayi sikandin su wey mekedsusuwey is menge kerehidu, is egkaayuayu he menge etew ku. Ne edsilutan ku sikandan.

Zacarias 9:5

Egkaahà heini te menge meǥinged diyà te Ashkelon ne egkahandek sikandan. Utew egkesekiti is menge meǥinged diyà te Gaza, wey iring din ded daan is menge meǥinged diyà te Ekron su egkaawà is midseriǥan dan. Ebpatey is hadì diyà te Gaza, ne kenè en egkeubpaan is Ashkelon.

Zacarias 9:6

Is Ashdod, ed-ubpaan te menge etew he nekedseselekawà is kepuun. Edezeetan te Nengazen is impehivantug te menge Filistihanen.

1 Samuel 6:17

Haazà is lelima he ziniyun he vulawan he henduen te levag, ne impeuwit puun diyà te lelima he inged he sakup te Filistihanen: Ashdod, Gaza, Ashkelon, Gat, wey Ekron. Impeuwit dan heini para te Nengazen he pemuhat he vayad te salà.