Amos 1:13 - Manobo Western Bukidnon OT

¹³ Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Amos 1:13 교차 참조

2 Samuel 12:31

Mid-uripen din is menge meǥinged kayi ne impemeterebahu zin he egamit te menge ǥavas, piku, wey wasey. Impevaal zin daan sikandan te menge brik. Iyan heini mibpeveelan din te langun he menge meǥinged diyà te menge inged te menge Amunihanen. Ne mid-ulì si David diyà te Jerusalem wey is langun he menge sundaru zin.

2 Hadì 15:16

Dutun he timpu, midsurung ni Menahem is Tifsa wey is menge lugar ziyà te peliǥuy kayi taman te Tirza, su is menge meǥinged kayi kenà edsurindir ziyà te kandin. Mibpenhimetayan din is langun he meǥinged diyà te Tifsa, ne midsirian din is getek te meǥingey he menge vahi.

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

2 Hadì 8:12

Mid-insaan sikandin ni Hazael, “Maan, datù, is midsineǥew ka?” Midtavak si Elisha, “Geina te netuenan ku is mezaat he ebeelan nu te menge Israilihanen. Ebinsulan nu is binerengbeng he menge inged dan, ebpenhimetayan nu is menge vetan-en kandan, edrunteken nu is dezeisey he menge vatà kandan, wey edsirian nu is meǥingey he menge vahi kandan.”

2 Cronica 20:1

Neuma is timpu he migenat is menge Moabitanhen wey menge Amonihanen, duma zan is duma he menge Meunhanen su ebpekidtebek dan ki Jehoshafat.

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

Nehemias 2:19

Piru hein netuenan heini ni Sanbalat he tig-Horon, ni Tobia he sevaha he upisyal he Amunihanen, ni Geshem he Arabo, mid-undaunda key zan wey mid-engitan. Ke sikandan te, “Hengkey heeyan is ebeelan niw? Mibpelanu kew ve he ebpekidsukulà te hadì?”

Salmo 83:7

menge Gibalnen, menge Amunihanen, menge Amalikanhen, menge Filistihanen, wey menge etew te Tyre.

Isaias 5:8

Mekehizuhizu kew is mibpekezakel te menge valey wey mibpekeluag te tanà taman te wazè en lugar para te zuma, ne iyan kew zà nesamà he ed-ubpà kayi he tanà.

Jeremias 25:21

Edom, Moab, Ammon,

Ezekiel 21:28

“Ne sikew is etew, keǥiyi nu is menge Amunihanen he edsudì te Israel he siak, is Nengazen he MEGBEVAYÀ, migkeǥiyan ku sikandan te: Andam en is ispada he ibpenhimatey. Utew heini impesinew su wey mebpengindab iring te kilat.

Ezekiel 25:1

Migkaǥi is Nengazen kayi te kedì te,

Ezekiel 35:10

“Migkaǥi kew he egkaangken niw is Juda wey Israel, ne ed-engkenen niw heini minsan siak, is Nengazen, ebpekiduma kandan.

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Amos 1:3

Iyan heini migkaǥi te Nengazen mehitenged te Siria: “Tenged te kedtulung kebaal te salà te menge tig-Damascus, edsilutan ku sikandan. Su midsurung dan is menge tig-Gilead he henduen be te midlepiǥis dan te putew.

Deuteronomio 2:19

Ne emun ebpekeuma kew en diyà te menge Amunihanen, he menge kevuwazan ni Lot, kenè niw sikandan semuka wey tebeka su heeyan is tanè dan ne imbeǥey ku kandan, ne kenè ku sikiyu ebeǥayan te tanè dan minsan deisey.’