2 Samuel 7:9 - Manobo Western Bukidnon OT

⁹ Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

2 Samuel 7:9 교차 참조

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

2 Samuel 22:1

Migkentahan ni David is Nengazen dutun te kedluwasa kandin te Nengazen diyà te ǥehem te menge kuntada zin wey ziyà te ki Saul.

2 Samuel 22:30

Tenged te kedtavang nu, ebpekehimu a he edsurung te menge sundaru, ne egpekehimu a zaan he ebpemenahik te verengbeng he nekeliǥuy te inged.

2 Samuel 22:43

Midruntek ku sikandan taman te neiring en sikandan te eliyavuk. Midtekutakan ku sikandan he iring te tunaan diyà te menge zalan.

2 Samuel 23:1

Si David he anak ni Jesse, midhimu he mevantug te Utew Lavew he Megbevayà. Mibpilì sikandin te Megbevayà ni Jacob he mehimu he hadì. Wey ebaal sikandin te menge kentahan te Israel. Iyan heini impeneltelaan din:

2 Samuel 5:10

Utew mibmelig-en si David, tenged te edtevangan sikandin te Nengazen he Megbevayà he Mekeǥeǥehem.

2 Samuel 8:13

Utew nevantug si David te kegkepetaya zin duen te 18,000 he menge Edomanhen diyà te menge suǥud he egngezanan te Timus.

2 Samuel 8:14

Mibpevaal sikandin te menge kampu ziyà te tivuuk he Edom, ne nehimu he menge sakup din is langun he menge Edomanhen. Impezaag te Nengazen si David minsan hendei sikandin ebpevayà is ebpekidtebek.

2 Samuel 8:6

Mibpevaal si David te menge kampu ziyà te Damascus, he lugar te menge Aramihanen. Ne nehimu en he nesakup din sikandan, ne ebayad dan te vuhis diyà te kandin. Impezaag si David te Nengazen, minsan hendei sikandin ebpevayà is ebpekidtebek.

1 Cronica 17:8

Midumahan ku sikew minsan hendei ka mebpevayà, ne impezaag ku kenikew is langun he kuntada nu. Guntaan edhimuwen ku sikew he mevantug iring te zuma he menge etew he egkevantug diyan te tivuuk he kelibutan.

Salmo 21:6

Ne ebpedayun is menge tuvad nu kandin. Ne utew nekeveǥey kandin te kelipey is kebpekiduma nu kandin,

Salmo 89:23

Ebekbeken ku ziyà te etuvangan din is menge kuntada zin taman te ebpemematey sikandan.

Josue 6:27

Mibpekiduma ki Josue is Nengazen, ne nevantug sikandin seled te tivuuk he nasyun.

1 Samuel 18:14

Midmezeeǥen si David te langun he menge vaal zin tenged te midumahan sikandin te Nengazen.

1 Samuel 18:30

Pedayun is kebpekidtebek te menge Filistihanen te menge Israilihanen. Ne kada tebek dan, ne lelayun ebpekezaag si David lavew sikandin te zuma he menge sineriǥan ni Saul. Umbe nehimu he ventuǥan si David.

1 Samuel 2:8

Ed-enawen din is menge pubri zutun te utew zan kegkeayuayu. Ibpepinuu zin sikandan duma te menge metikang is pid-etawan dan ne edhimuwen din he telehuzen. Iyan sikandin teǥiǥaked te pundasyun ne zutun din isavuk is kelibutan.

1 Samuel 31:6

Umbe, te haazà he andew minatey si Saul, wey is tetelu he menge anak din he maama, is tig-uwit te gumaan din, wey is langun he menge sakup din.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”