2 Samuel 7:29 - Manobo Western Bukidnon OT

²⁹ Egkesuatan ku he igkelipey nu is kedtuvazi nu te pemilya ku wey mebpedayun heini minsan keenu ziyà te etuvangan nu, su iyan heini menge saad nu, Nengazen he MEGBEVAYÀ. Ne tenged kayi te kedtuvad nu, egkezeyzey is pemilya ku taman te taman.”

2 Samuel 7:29 교차 참조

2 Samuel 22:51

Is pinilì nu he hadì ebeǥayan nu te zekelà he menge kezeeǥan. Mahal nu si David wey is menge kevuwazan din te wazà pidtemanan.”

2 Samuel 8:1

Hein huziyan he timpu nezaag ni David is menge Filistihanen ne nesakup din en sikandan. Naaǥew zin diyà te kandan is lugar he Meteg Ama.

1 Cronica 17:27

Ne ǥuntaan ingkelipey nu is kedtuvazi nu te pemilya ku para mekepedayun heini taman te wazà ketepusan diyà te etuvangan nu. Emun edtuvad ka Nengazen, is kedtuvad nu wazà pidtemanan.”

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.