2 Samuel 5:5 - Manobo Western Bukidnon OT

⁵ Pitu he tuig wey heenem he vulan is kedhadì din diyà te Juda hein diyè pa med-ubpà sikandin te Hebron, ne 33 he tuig is kedhadì din te tivuuk he Israel wey Juda hein diyà sikandin med-ubpà te Jerusalem.

2 Samuel 5:5 교차 참조

2 Samuel 12:8

Imbeǥey ku kenikew is ginhedian din wey is menge esawa zin. Midhimu ku sikew he hadì te tivuuk he Israel wey Juda. Ne emun kurang pa heini ne ed-umanan ku pa te mezakel pa.

2 Samuel 2:11

ne midhadì dutun si David seled te pitu he tuig wey heenem he vulan. Diyà sikandin med-ubpà te Hebron.

2 Samuel 2:4

Hein nepiraan en sikandan dutun, midhendiyà te Hebron is menge pengulu te Juda ne midlenahan dan is ulu ni David he tuus te iyan en sikandin nehimu he hadì te Juda. Hein netuenan ni David he is menge tig-Jabesh Gilead iyan midleveng ki Saul,

1 Hadì 2:11

Midhedian din is tivuuk he Israel seled te 40 he tuig–7 he tuig is kedhadì din diyà te Hebron ne 33 he tuig is kedhadì din diyà te Jerusalem.

1 Cronica 11:3

Umbe, ziyà te Hebron, mibaal si David te kebpekid-uyun te menge pengulu te Israel ziyà te etuvangan te Nengazen, ne midlenahan dan is ulu ni David te lana he ibpeehè dan he iyan en sikandin hadì te Israel, sumalà is insaad te Nengazen pinaaǥi ki Samuel.

1 Cronica 3:4

Heini sikandan is heenem ne ziyà ianak te Hebron, he zutun medhadì si David seled te pitu he tuig wey heenem he vulan. Midhadì si David diyà te Jerusalem seled te 33 he tuig.