2 Samuel 5:20 - Manobo Western Bukidnon OT

²⁰ Ne nemenggenat ensi David pehendiyà te Baal Perazim, ne zutun nezaag dan is menge Filistihanen. Migkaǥi si David te, “Migerà te Nengazen is menge kuntada ku he henduen be te mibeyaan te zekelà he zalem, ne utew ku heini nemetmetahi.” Umbe migngezanan haazà he lugar he Baal Perazim.

2 Samuel 5:20 교차 참조

2 Samuel 19:9

Nekedlelawan dutun is tivuuk he Israel. Ke sikandan te, “Midluwas kiw ni Hadì David diyà te menge kuntada tew he menge Filistihanen, piru mibpelaǥuy sikandin kayi te nasyun tew tenged dà ki Absalom.

1 Cronica 14:11

Ne zutun midhendiyà si David wey is menge sakup din te Baal Perazim, ne zutun nezaag dan is menge Filistihanen. Migkaǥi si David te, “Migerà te Megbevayà is menge kuntada ku he henduen be te mibeyaan te zekelà he zalem, ne migamit e zin para meǥerè dan.” Umbe migngezanan haazà he lugar he Baal Perazim.

Salmo 60:1

He Megbevayà, mid-engkezan key kenikew ne ketau nu is kegkezaaǥa kenami. Nepeukan key kenikew, ne ǥuntaan seǥipaa key en.

Isaias 28:21

Siguradu he edsurung is Nengazen iring te mibeelan din diyà te Buntud he Perazim wey ziyà te Suǥud te Gibeon. Edhimuwen din is kezeetan he kunaan te menge etew zin ke kenà egkehitavù.

Habakuk 3:13

su edlibriyen nu is pinilì nu he menge etew. Midhimetayan nu is pengulu te mezaat he ginhedian ne mibpurungan nu zezeeti is menge etew zin.