2 Samuel 3:29 - Manobo Western Bukidnon OT

²⁹ Si Joab wey is pemilya zin iyan duen din televaken. Deyzey pezem ke is pemilya zin ne letuni te zaru he ebpenggewasan te meremerik is sudiyè dan, duen daru te lundis, mengehimu he inutil wey mebpematey te tebek wey layun bitila.”

2 Samuel 3:29 교차 참조

2 Samuel 16:8

Migkuwa nu is ginhedian ni Saul, ne ǥuntaan ebelesan ka te Nengazen te kedhimetayi nu ki Saul wey te pemilya zin. Mid-aǥew nu is ginhedian ni Saul, ne ǥuntaan imbeǥey heini te Nengazen te anak nu he si Absalom. Naawè ka tenged te kebpenhimatey nu.”

2 Samuel 3:28

Hein netuenan haazà ni David, ke sikandin te, “Nesayud is Nengazen he siak wey is menge sakup ku ne wazà keseyuzan te kemetayen ni Abner he anak ni Ner.

2 Hadì 5:1

Si Naaman he peremandar te menge sundaru ziyà te Aram, edtehuzen te hadì diyà te Aram, su pinaaǥi kandin mibpengelinteuwan te Nengazen he mekezaag is Aram. Meupiya sikandin he sundaru, piru zuen utew mezaat he zaru te lundis he ed-isipen he meremerik.

2 Hadì 5:27

Ne tenged te kebeeli nu kayi, edhalin diyà te kenikew is daru ni Naaman wey ziyà te menge kevuwazan nu taman te taman.” Ne hein mid-ewaan en ni Gehazi si Elisha mibmeputì is lundis din tenged duen te zaru.

Salmo 7:17

Sikew, Nengazen, is Utew Lavew he Megbevayà. Ebpeselamatan ku sikew tenged te ketazeng nu. Edeliǥen ku sikew pinaaǥi te kegkanta ku.

Exodus 21:19

Ne emun ebpekeenew en wey ebpekehipanew en minsan pa ke edtutuked dà, ne iyan dà silut duen te etew he nekevaal zuen is: ebpeveyazan kandin is menge timpu te kegkeetresadu zutun te sevaha, ne etimana zin taman te egkepurung haazà egkeulii.

Leviticus 15:2

he keǥiya zan heini ziyà te menge Israilihanen: Emun duen egawas diyà te sudiyà te maama tenged te zaru zin, heeyan is egawas ed-isipen he meremerik.

Numero 35:33

Ne pinaaǥi kayi kenè niw egkeremerikan is tanà he ed-ubpaan niw, su is kedhimatey ebpekeremerik te tanà. Ne iyan dà ebpekelumpiyu kayi is kemetayen gihapun.

Deuteronomio 21:6

Ne sikan is langun he ebpemendumala te inged he kineuvayan te nesevukan duen te nepatey, lùlui zan is menge velad dan diyà te zivavew zuen te vaka he mibunggù.

Zatù 9:24

Neulaula heini su ibpevayad si Abimelec wey is menge tig-Shekem he mid-uǥup kandin te kebpenhimatey zuen te 70 he menge anak ni Gideon he menge suled din.